KEEP住24小時水水水水....

KIEHL'S於6月1日推出既ULTRA FACIAL OIL FREE系列你入手O左未呀???仲係心大心細唔知買唔買好??咁不如睇下我用O左個多星期既分享先決定啦...

KIEHL'S ULTRA FACIAL OIL FREE COLLECTION

ULTRA FACIAL OIL FREE CLEANSER $155/150ML

不含油份的潔面啫喱泡沫豐盈,能徹底潔淨面上污垢,有效減少面部多餘油份,令肌膚油脂平衡、亮澤清新...

每次只要好少份量,就可以起出好棉密既泡沫,如果你想再多D泡,可以配合起泡網用添!!!無香料既CLEANSER,可以帶走污垢又唔會覺得乾,感覺溫和舒服..

ULTRA FACIAL OIL FREE TONER $180/250ML

有效減少肌膚表面的多餘油份,令肌膚即時感覺清新,充滿健康氣息...

透明水狀既TONER,用COTTON PAD抹全面有即時保濕功效,本身佢無香料,不過可能入面成份既問題,我覺得有陣酸酸地既味道,但好快散唔使擔心既..

ULTRA FACIAL OIL FREE GEL CREAM $260/50ML

此不含油份、質感清爽的啫喱乳霜能為肌膚帶來深層保濕及修護功效,以及持久鎖緊肌膚水份,令肌膚不再泛起油光,水油更加平衡..

望落係半透明GEL CREAM狀,一推開就變得好水,只要抹幾下就已經吸收晒,好保濕,而且佢唔似一般GEL狀保濕霜,搽完化妝好少會有屑屑,佢完全冇呢個問題,搽多D做BASE都可以..

ULTRA FACIAL OIL FREE系列不含油份,以高度保濕作主打,無色素無香料,用完又唔會乾,我覺得大部份皮膚都O岩用..

用O左有個多星期既時間,我覺得皮膚水份係多O左,雖然T-ZONE、下巴位仍然有油光(我相信O係香港既夏天,冇可能全日一滴油都冇掛....),但已經冇咁嚴重,平時我LUNCH前已經要補妝,而家食埋LUNCH先補都仲OK..

3-STEPS一套唔使$600仲要咁大SIZE,其實好抵用!!!如果想試下個質地可以去KIEHL'S專門店同COUNTERS,佢地既BA都好NICE O架!!^^

讓頭皮清爽❤頭髮滋潤~~

5月底時出席PANTENE CLINICARE BLOGGER GATHERING,做O左頭髮分析之後,取走O左一SET三件既COLOR/PERM DEMAGE REPAIR染燙損傷修護系列返去試用,佢係適合染燙受損髮質,希望對我一頭亂草有D幫助啦...

PANTENE CLINICARE 染燙損傷修護洗髮乳

白色GEL LOTION,易起泡帶有微香,不過泡沫唔算好多,但清潔能力幾好,洗得好乾淨又清爽,唔會覺得LUP...

PANTENE CLINICARE 染燙損傷修護潤髮乳

GEL CREAM狀,易推開,搽完等1分鐘到過水,頭髮變得好SMOOTH,不過我個頭太旱啦(都話係亂草),用佢唔夠潤,但就幾貼服易梳...

PANTENE CLINICARE染燙損傷修護密集修護精華 $79.9/10枝

因為我頭髮比較長,每次用一枝份量O岩O岩好,不過如果你係短髮既都唔使擔心會浪費,因為個頭可以塞番個樽口,就可以留番下次用啦..

質地同潤髮乳有D似,不過佢比較杰身,搽O係頭髮上可以停留3-5分鐘,如果可以配合埋按摩,會吸收得比較好;一星期用1-2次,不過我頭髮好旱,我會隔日用,髮尾乾旱既情況真係有改善..

夏天有時明明出街時係OK,不過返到屋企頭頂既頭髮就塌晒同好LUP;用O左佢洗頭,頭皮就變得清爽番晒,再配合埋潤髮乳同修護精華,頭髮係SMOOTH O左同冇咁乾..

當然我都唔期望用完頭髮可以變到廣告D MODEL咁靚,不過有改善已經好足夠,而且最重要係夏天都O岩用,因為我要KEEP住頭皮乾淨,頭髮滋潤嘛!!用佢真係做得到,有興趣不妨去各大超市同個人護理店睇下..^^

超得意C02 MASK: 為皮膚即時注氧

近年使用過唔少韓國醫學美容品牌,比起歐美出產既更加適合亞洲人膚質,而且相對上價格亦都更親民,好似今次介紹既HEYNATURE CO2 GEL MASK,就比市面類似既面膜便宜得多,但功效卻毫不遜色.....

HEYNATURE CO2 GEL MASK $560/6次

每次都要用上一片特制面膜紙、一枝GEL MASK同木棒...

GEL MASK係針筒型,設計可以用盡成枝MASK,唔會浪費..

只要開O左針筒既蓋就可以推出面膜,佢係淡黃色既GEL狀...

用木棒搽勻全面,其實如果有時間,最好事先雪凍O左佢先敷,因為室溫既GEL MASK比較稀身,好易周圍滴;雪O左就比較杰身,方便使用,而且夏天敷涼浸浸會仲舒服..

搽晒GEL MASK,就可以敷上面膜紙啦..

個面膜紙比較厚身同硬,不過只要一貼上GEL MASK,就會產生化學反應,有好多氣泡出面,"炸炸"聲咁O架..

敷上面既面膜紙會變得軟身,不過會有輕微刺痛感同"炸炸"聲,要大約5-10MINS先完全消失,而且要留意唔好將D GEL搽得太近眼唇位,唔係有機會會覺得痛同紅O架,因為呢D位比較脆弱...

初初第一次敷我敷O左最盡既30MINS,真係比較紅同刺痛感要過半個鐘先消失晒..

之後我就知我皮膚比較敏感,都係敷20MINS好啦,咁樣過完水都唔會泛紅,皮膚依然係好白滑,而且敷得幾次,粒粒都少O左喎!!!其實佢敏感皮膚都O岩用,不過只要唔好太貪心敷咁耐就冇問題.....

出面買得到又WORK既CO2 MASK,以我所知都要差唔多$200一次,HEYNATURE呢個除開都係$94次,平成半!!!而且上網同去門市買都得,幾方便!!!如果第一次用有D怕既SIS,可以同朋友SHARE一盒試下先..

想知邊度有得賣就按此^^

零毛孔★自然好氣色

春夏妝容最緊要係望落乾淨而又有好氣色,汗水油脂當然要通通OUT啦,想要打造零毛孔肌又紅粉緋緋,只要用上以下兩件BENEFIT既星級產品就話都冇咁易啦!!

BENEFIT THE POREFESSIONAL $280/22ML

BENEFIT POSIETINT $310/12.5ML

收緊毛孔的專業底霜,配方混合矽及硅酮彈性體,可收緊毛孔之餘,改善粗糙皮膚。它能即時令毛孔隱形,肌膚完美無瑕..

細細枝其實帶出街補妝用都OK,吱出黎係肉色膏狀,推開會變成啞色效果...

本身我毛孔都幾粗大,尤其夏天同經前時間,POREFESSIONAL妝前妝後用都可以,只係妝前就以打圈方式塗抹,妝後就要逐少印上,以免推走粉底...

個人黎講,我比較鐘意妝後用,搽O左粉底之後印上,最後加碎粉就OK.毛孔即時遮O左8成,望落皮膚都乾淨好多;不過天氣熱成咁,點都會甩咁D,只要抹走油脂,搽上佢再補番D 2-WAY就得,都幾方便...

清透的嫩粉色澤,能瞬間打亮雙頰與雙唇,營造出自然俏麗的粉紅氣色;全新水水凝膠配方,適用於任何膚色,更能持久粉嫩一整天!金屬光感的瓶身設計,增添耀眼時尚風格,讓人驚艷...

其實BENETINT我已經好想買,不過見佢咁紅有D卻步,因為我本身皮膚都比較白,怕用O左會太紅;之後出既POSIETINT反而O岩晒我用,佢冇BENETINT咁水,但顏色就易用得多,係粉紅色黎....

不過佢都係比較易乾,所以如果你係手殘之人(其實我都係...KEKEKE)好易會推到一撻撻,所以最好用我呢個方法啦,點POSIETINT上SPONGE再印上面,咁就可以做到淡淡既粉紅色,好自然好LONGLASTING,夏天用佢成日都唔會甩..

除O左當胭脂,仲可以搽咀O架,效果有D似不脫色唇膏咁,超級持久呀,飲水都唔甩,如果加LIPGLOSS ON TOP會更加靚;不過POSIETINT一定要用油份卸妝先卸得乾淨O架,用卸妝水,CLEANSING MILK都唔得,呢點要留意啦....^^

http://www.benefitcosmetics.hk/

夏天專用: 水珠清爽BB CREAM

基本上我每日都有化妝既習慣,不過香港天氣真係太乞人憎,又濕又熱,OFFICE冷氣又好似殮房咁凍死人,所以朝早個妝幾靚幾貼都好,皮膚成日一冷一熱咁,未食LUNCH都已經溶得7788啦!!!!

最近一次行街,無意中見到佢,我比"水珠"兩隻字吸引O左...

HEYNATURE 水珠清爽BB CREAM SPF 35/PA++ $218/40G

有封條貼住,而且仲有到期日寫明,亦有英文使用方法,唔怕得韓文睇唔明啦...

吱出黎覺得都幾深色,不過推勻O左又同膚色好MATCH喎!!!!而且推開既同時覺得真係有水珠出黎,好得意O架!!!

搽O左一粒豆份量既BB CREAM上面,即時有均勻膚色既功效,亦都冇咁泛紅,真係好貼好薄,同搽O左CREAM差唔多,不過COVERAGE就唔算高,而且遮唔到毛孔...

但呢D問題唔大既,因為我會再搽CONCEALER同LOOSE POWDER,就可以解決晒,最緊要出黎唔會厚粉,夏天我都鐘意搽得薄貼D...

出O左街8個鐘,少少溶就實有O架啦,尤其天氣咁熱,但我覺得都可以接受到,只要用TISSUE印走D油再補乾粉就OK,唔會話真係溶到甩晒咁,亦都唔會焗住皮膚唔舒服;睇黎佢會成為我今個夏天既新竉啦.

想知邊度有得賣就按此^^

呷一口健康蘋果醋

一向腸胃都比較差,有胃痛又有腸胃敏感,只要食物有少少污漕我都好容易出現腹瀉;所以便秘我係從來都冇試過,但並不代表我排便係正常O架...

為O左想腸胃健康D,我上星期就到O左位於測魚涌既樂本健啦....

有冇見到周圍擺滿好多維柏健既產品??其實今次上去就係為O左佢...

維柏健 WEBBER NATURALS 整腸蘋果醋分享會..

聽到蘋果醋,第一時間係咪覺得佢會好酸???無錯既,如果以前有飲過枝裝要溝水稀奇既,真係幾酸下,而且醋味唔係人人受得住,尤其我個胃唔太好添!!!!不過呢隻係膠囊裝,入面裝有蘋果醋粉末,咁就唔怕會傷牙齒同胃啦..

除O左可以令腸胃健康D,排毒去宿便之外,佢仲可以平衡身體既酸鹼值,對身體都好有益O架,咁吸引,當然要番屋企即刻食先..

另外維柏健仲有好多唔同既保健食品,減肥消脂孖寶: META SLIM 脂BURNER & 脂BLOCKER (我見佢一SET咁賣$638,都幾有興趣....),仲有女士O岩食既GRAPE SEED、OMEGA 3同CRANBERRY...

言歸正傳,介紹番今次主角:

WEBBER NATURALS APPLE CIDER VINEGAR

整腸蘋果醋

$228/240 CAP

每顆膠囊均含豐富營養成份,包括能改善皮膚和消化道、有益血糖和膽固醇值的可溶纖維果膠、平衡身體機能的礦物質和微量元素、人體必需的多種維他命物質,以及氨基酸、乳酸和酵素...

 

有助燃燒體內脂肪、加速新陳代謝、排走體內宿便;亦有助降低食慾,故得到「修」身纖型的效果。本品更能調節身體體液以維持身體呈微鹼性,有助提升精神活力,從而有效預防慢性疾病...

因為我本身血糖低又腸胃敏感,問過職員意見之後,佢地建議我初初食1-2粒先,覺得OK先再加份量,最多去到1日6粒分3餐食...

怕醋味既人食佢就O岩晒,雖然係膠囊裝,但唔係好大粒,一次過食晒2粒都冇問題,只係吞O個刻有少少酸酸地,而且帶出街食好方便,一定唔會唔記得食啦..

初初2日我係食1-2粒,仲要分2次食,覺得冇咩問題,我就加到3-4粒,最後我係食到1日6粒;食得少份量既時候,唔覺有咩特別,隨著劑量加多,我覺得排便量都多O左,少O左腹瀉,但唔知點解多O左放屁喎!!!HHAA..

另外最大發現係,平時我起身一定係周身骨痛,最近雖然都有D攰,不過情況係有改善到,尤其係肩膀位,好似冇咁痛咁BOR...

有興趣可以到以下網址睇下..

http://www.healthsmart.com.hk/

除O左樂本健,WATSONS,華潤堂,莎莎都有售O架..

公主風外表VS實用性內涵

喜愛公主風,唔一定由頭到腳都係公主既打扮(如果係COSPLAY同小朋友,我都仲可以理解XDDD),因為每個女仔都有會對浪漫有所嚮往,LACE、碎花圖案、粉紅色、珍珠等等既甜美風格,耐不時就會偷襲你,如果見到黎自台灣既JEALOUSNESS化妝品,應該只有落得敗家既下場,HHAA....

JEALOUSNESS 玫瑰眼唇卸妝液 $110/100ML

& 防水眼線膠筆 $120/8色

只見咁PINK既PACKING,係咪已經好想敗回家???!!!

不過佢唔止外表得,其實內裡一樣咁實用,今次我用既就係BK煙燻黑色啦...

用佢同平時我愛用既眼線筆一比,兩枝其實都咁顯色又易畫,只不過用手一捽,就高下立見啦;JEALOUSNESS只係淺色O左少少,但平時愛用既眼線筆就幾乎抹走晒(唔怪得平日我化妝眼尾咁易溶晒啦!!!)

畫上眼既效果都好好,眼線係我平日化妝不可或缺既部份,因為我對眼比較易浮腫...

再加埋E/S同假眼睫毛,咁就係我平時既眼妝啦...

下圖係我出O左街8個多小時之後影既,可以見到眼尾係有少少黑色,不過唔算好嚴重,因為本身我係一對油眼,又多眼水,除此之外,其他地方連雙眼皮位都冇甩過喎!!!可見佢既防水防油效果唔錯,而且幾持久...

JEALOUSNESS眼唇卸妝液一打開已經聞到陣陣玫瑰香薰味道,水油2層既設計,用之前要搖勻,樽口比較細,唔怕一次過倒太多..

我用平時用開既眼唇卸妝液作比較,同JEALOUSNESS一樣都係水油2層,只抹一次,JEALOUSNESS O個邊已經甩O左8成,但平時用開既只甩O左6成到,抹第2次,JEALOUSNESS已經抹走晒所有EYELINER啦,而平時用開既眼唇卸妝液,要3次先可以抹乾淨...

JEALOUSNESS卸除眼影眼線效果非常好,唔"頁"眼又好溫和,不過對於卸除防水MASCARA就比較遜色,要卸除多次先完全乾淨,呢個有少少扣分..

因為加入六胜肽同玻尿酸,所以卸妝之餘,保濕效果亦都更好,同平時用開既相比,水份同柔軟度都升O左一格;尤其每日都要化妝既SIS,落妝產品都要揀好D既,唔係對眼周肌膚有日積月累既傷害O架...

http://www.enid.com.hk/