Pinksheeb Is Sandra

2011年3月8日星期二

緊緻提升@BELLA LIFTER: SALON篇

上回分享過BELLA LIFTER DAY MOISTURIZER既兩星期用後感,今回就介紹一下配合LIFTER全系列使用既ELASTIN LIFTING TREATMENT,務求將FIRMING效果發揮到最好..

位於銅鑼灣新開既BELLA SKIN REJUVENATION CENTRE,地方好乾淨明亮,有無敵海景O架!!!

除O左出面休息既地方,房間入面都有落地大玻璃,有自然光,唔似平時去做FACIAL既地方,都係黑沉沉既,不過當然你想私密D,落窗簾都OK..

除O左有景睇,房入面都好乾淨,麻雀雖小,五臟俱全...

所用既都係BELLA SKINCARE,有部份好似LIFTER系列咁係可以比客人買返屋企用O架,而小圖既就係今次用黎導入既針微導入儀..

因為今次會有埋肩頸按摩,所以美容師WINNIE提醒我要換衫,換完就正式開始LU..

1. 清潔:

先卸妝再清潔,我係放O左工先去做,所以有化淡妝,有畫EYELINER同MASCARA,不過WINNIE好細心同我慢慢卸,力度好輕不過卸得好乾淨(因為我做完FACIAL有CHECK清楚)..

2. 磨砂:

用既磨砂粒子好幼細,打圈按摩完就過水...

3. 蒸面/針清:

開機時會問下溫度會唔會過熱,又會幫我嘴唇搽上LIPBALM怕乾,真係好細心,之後針清雖然有少少痛,不過我可以接受既..

4. 修眉:

本身我好少修眉,所以我都係叫佢同我修下D雜毛就OK,不過佢真係修得好好,一D都唔痛,而且連眉心位既毛都修得好乾淨...

5. 微針導入+LIFTER系列兩枝SERUM:

首先導入高濃度既ESSENTIAL REJUVENATING SERUM打底先,之後導入FIRST WRINKLE REPAIR SERUM,過程唔係好耐,不過FEEL到佢一路整,一路幫我FIRMING...

6. 按摩:

用LIFTER DAY MOISTURIZER作MASSAGE CREAM,因為佢營養豐富,而且好CREAMY,用黎做按摩好適合,WINNIE手勢非常好,尤其係按穴位既時候,有力度我最鐘意..

7. 面膜:

搽上LIFTER FACE RENEWING MASK,再加上倒膜..

8. 肩頸按摩:

呢PART係我最期待既環節,同時亦都冇令我失望,因為佢真係夠力按,而且按到我D穴位同筋,有酸軟同痛既感覺,不過我覺得咁先係正!!!

9. 搽SKINCARE:

最後起O左倒膜,就搽上LIFTER系列既SKINCARE,個TREATMENT就完成啦..

仲有杯花茶飲下添,做完TREATRMENT個人好似精神O左喎!!

BEFORE:

TREATMENT前O係公司影既,雖然有日日用LIFTER DAY MOISTURIZER,水腫比以前改善O左,不過當然配合埋做機就更加好啦..

AFTER:

第2日朝早O係公司影既,好明顯係FIRM O左好多,面頰位收緊O左,而且上妝好貼,因為皮膚乾淨O左嘛...

P.S. 不過可能我皮膚比較薄易敏感,所以針清完D紅要2-3日先散晒呀,如果你皮膚同我相似既話,可以同美容師講聲先..

今次TREATMENT有成個半鐘,真係樣樣做到足,尤其係美容師WINNIE好細心,而且力度好夠,仲要佢地一D都冇SELL過,呢樣非常抵讚,有興趣不妨BOOK黎試下...

http://hk.bellaskin.com/

2011年3月7日星期一

二月時出席BELLA BLOGGER'S GATHERING,了解到防止皮膚老化同鬆弛,除O左需要補充COLLAGEN,其實ELASTIN都好最重要,尤其身體到O左一定年齡之後,ELASTIN 係會自動停止生產;有見及此,BELLA研發出LIFTER系列產品同推出ELASTIN LIFTING TREATMENT,可以有效刺激皮膚底層生產ELASTIN同COLLAGEN,消除皺紋..

BELLA LIFTER DAY MOISTURIZER $800/50ML

創新BELLA LIFTER護膚產品含有的PETAPEPTIDES ELASTIN,被稱為"真皮藥物";由於彈性蛋白成分具有非常輕的分子量,可確保其深層穿透到真皮層,同時刺激皮膚生産彈性蛋白和膠原質..

DAY MOISTURIER質地好CREAMY,滿滿一瓶都幾襟用,每次用上一顆櫻桃既份量,搽頸連面,同時按摩,可以加強吸收同緊緻效果...

上次BELLA總監教搽DAY MOISTURIZER配合既按摩手法,可以令我面型冇咁包,去咁D水腫,我日日都有照做O架!!

首先全面連頸搽上薄薄一層DAY MOISTURIZER...

之後用食指勾起,關節位對住嘴角隔離開始,用力按上去近耳既位置,再由頸落,最近按幾下肩就可以,個力度要大,按時聽到"咯咯"聲最好..

因為朝早比較趕,我會做5-10下,兩邊同時做,其實唔使幾多時間,比平時搽面霜用多約3分鐘;不過效果係即時見到,可能我比較易水腫啦,尤其瞓醒既時候...

日子有功,每朝用上LIFTER DAY MOISTURIZER配合埋按摩,皮膚係變得比之前緊緻柔滑,輪廓明顯O左,平時朝早就算化妝返工,都係眼腫面腫,而家情況係有改善..

而且面霜雖然質感好豐盈,不過超級易推,搽完皮膚充滿光澤感,仲好夠潤,可以當埋化妝前既BASE用;但吸收方面,可能佢本身都係要配合按摩使用,效果先最好,所以唔係搽完即時吸收晒,要等1-2分鐘先OK...

BELLA LIFTER系列除O左DAY MOISTURIZER仲包括:

FACE RENEWING MASK

ESSENTIAL REJUVENATING SERUM

FIRST WRINKLE REPAIR SERUM

ABSOLUTE EYE FIRMING CREAM

ABSOLUTE EYE RENEWING MASK

NIGHT COMPLEX

而且仲有配合LIFTER產品使用既ELASTIN LIFTING TREATEMENT,我已經去試做O左啦,想知效果如何,就要下回分解啦..

http://hk.bellaskin.com/

2011年3月4日星期五

瞬間亮肌@LANCOME

正當近年黎大家高唱"一白遮三醜"既時間,天生皮膚比較白既我卻沒有特別鐘情於美白產品,因為自從廿五歲之後,做好保濕同抗衰老已經列入我既頭號護理目標;而且以前用過唔少美白產品,膚色的確係白O左,不過換黎係皮膚質素反而變差,而且怕美白成份濃度太高,會產生過敏...

或許聽過唔少人有我同樣既問題同訴求,LANCOME新出瞬間亮肌系列,除O左更有效去斑同改善膚色不均,仲可以整體提升皮膚質素,同時滿足晒你幾個願望喎!

3件新既LANCOME瞬間亮肌產品...

全方位瞬白亮肌精華素 $620/30ML

黑色素體含有數百萬個黑色素顆粒,以專利酵母萃取物刺激角質細胞內溶酶體的形成 ,加強黑色素體分解的機制,溶解表皮細胞中過多的黑色素;加上鞣花酸、甘草萃取物、MelaNO複合物、玫瑰及薄荷萃取物,中和誘發黑色素合成作用的發炎訊號,全方位控制黑色素體周圍的黑色素形成...

LOTION質地,推開好薄身,每次我全面用上約5毫子份量,O係有印同斑既位置再搽多一層,基本上按摩幾下已經吸收晒,仲可以代替埋保濕精華添;因為佢既保濕度好夠,用完唔乾但又一D都唔油膩,好鐘意呢個質感...

全方位瞬白亮肌化妝水(MOIST)

TONER有分MOIST同VERY MOIST,唔係冬天既話,用MOIST都已經可以,以往用過部份美白TONER,抹完係白O左,不過係過度清潔咁,乾到死;反而呢隻似保濕TONER,用完水份充足,只係初初用既時候,面珠位有少少刺痛感,大約用O左3日左右,呢個感覺就開始消失...

全方位瞬間亮肌緊緻晚霜

平時選擇面面霜我冇特別要分日同夜,主要係怕晚霜會過份滋潤,用完會起粒粒呀!!!不過佢呢個我覺得OK喎,或者我而家皮膚比以前乾,個TEXTURE我覺得O岩O岩好,15ML我用到出文呢刻,已經用剩1/5,可想而知我覺得佢幾正....

用前用後雖然我影出黎有D色差(影O個時都唔知,影完先覺...),不過D印真係淡晒,上圖既係新印,O岩O岩用既時候有,用O左2個星期時間,幾乎冇晒咁滯..

下圖既係舊印,已經好耐時間(半年都有啦),係淺O左少少既,不過唔係好明顯...

色斑方面依然差唔多,不過周圍膚色好似均勻O左,同埋平滑一D..

整體方面,我覺得膚質係有輕微改善,佢去新印非常得,而且質地唔油膩,唔怕呢頭個印未去完,O個頭又生多兩粒暗瘡,佢係絕對冇呢個問題;不過去斑方面,兩個星期似乎分別唔太大,但膚色真係明亮O左D既,而且佢保濕方面做得非常好,如果你真係想全面美白,要全線用晒瞬間亮白LINE,都絕對係OK,唔會覺得乾..

之不過如果你係油性皮膚,或者你就要選擇性用佢既產品啦,枝精華素同TONER可以照用,但NIGHT CREAM可能你會覺得太潤;不過唔使怕,佢同系列仲有乳液比較爽身既產品可以揀,一般皮膚應該輕易搵到合適既選擇..

想知多D瞬間亮白產品資料可以按此

如果想UPDATE最近情報,就要LIKE LANCOME FANPAGE

2011年3月3日星期四

森田藥粧 X 莎莎BLOGGER'S GATHERING

近年黎香港既護膚品市場不斷改變,走過商場店舖,不難發現架上眾多台灣美容牌子;原因好簡單,因為台灣品牌大多定位中低價,行大眾化路線,價格便宜之餘品質亦都有保證,促使佢輕易O係香港美容市場冒起..

其中由日本同台灣醫學美容專家共同開發既森田藥粧,已經有75年;貴為2010年台灣最暢銷既開架類面膜,其實莎莎早於2009年已經引入香港作獨家銷售,前幾日仲邀請到森田藥粧首席研發顧問周俊旭博士,O係銅鑼灣AGNES B. LE PAIN GRILLE舉行BLOGGER'S GATHERING..

餐廳內一早已經擺滿森田藥粧最暢銷既5種面膜...

當然仲有其他產品啦,因為佢出產既面膜款式多達十數款...

GATHERING正式開始,就由SASA介紹周博士出場...

簡單講解下森田藥粧既歷史同發展...

5大暢銷面膜既功效同特徵,其中我最感興趣係有黃金成份既黃金活膚生物水凝面膜,果凍質地好得意,而且佢敷完仲可以加入泡澡,做埋身體既美容,一物兩用好抵...

最後係同BLOGGERS之間既問答環節同抽獎,仲有食TEA時間,周博士因為講野太風趣啦,大家都好鐘意問佢野,而佢亦都樂於一一回答,所以成個GATHERING都好開心..

臨走每人都有GIFT,分別係玻尿酸複合原液面膜同活化緊緻亮白眼膜各一盒;其實早於一年前我曾經大手入過呢款玻尿酸面膜(重溫按此),不過當時無出過分享,藉著今次機會,我會分享下佢係咪咁好用,當然仲有眼膜啦..

森田藥粧@莎莎

SASA FACEBOOK

2011年3月2日星期三

體驗法國SOTHYS美白之旅: TREATMENT示範篇

TREATMENT都有得示範??究竟係乜東東呢???其實係位於尖沙咀既ALCHEMY TECHNOLOGY BEAUTY,專程請到法國SOTHYS團隊既美容師到港,除O左介紹SOTHYS新出既[W.]™+亮肌美白系列之外,仲親身示範一個SOTHYS[W.]™+ 純維C亮肌淡斑療程,機會難得,當然要先睹為快啦....