LEADERS CLINIC昇華版醫學級開架面膜

 

早前皮膚突然因身體問題過敏..
搞到無晒心機之餘,連平日最鐘意敷MASK既我都被迫暫停..
見上星期開始好番D,就即刻拎LEADERS CLINIC出黎用..
諗住佢係醫學面膜又成份天然,加上以前用過..
應該無問題掛..



今次試既係ALOE SOOTHING SKIN RENEWAL MASK ($22.9/25ML) &
VITA BRIGHT SKIN RENEWAL MASK ($22.9/25ML)


--針對因外在環境而敏感的肌膚,容易受紫外線或雷射手術而泛紅的肌膚
--蘆薈成份可以快速舒緩受刺激肌膚
--仙人掌成份能有效舒緩肌膚及迅速補水


面膜紙質好貼面而且舒服(係棉花最接近種子部份纖維)..
細格紋設計可以令精華分佈得更平均吸收..
CUTTING大致上滿意,只係鼻翼位有D覆蓋唔晒..



用蘆薈呢款係主打舒緩,敷完又真係好似有少許鎮靜作用..
補水度十分夠,肌膚細緻O左..
連敷3日都無問題,好O岩敏感肌使用..



--強化維他命C的成份,能為疲倦肌膚提供營養及活力
--提升肌膚的明亮度、水潤度和健康


面膜質地、CUTTING、精華基本上同蘆薈款差不多.
不過唔知係咪有維他命C,近眼位既精華有時唔小心入O左眼,會拿拿地..



敷完皮膚好水潤,而且膚色感覺更均勻..
不過可能我敏感剛好,美白類尤其面膜咁密集既產品..
用完我面珠位有少少泛紅,大約過10-15分鐘先會消失..
其實應該敏感肌都用得,但正在過敏中就唔好用住啦,可以用下蘆薈款先^^


萬寧獨家發售
http://www.leadersclinic.hk

韓式醫學卸妝清潔孖寶~~

韓國係我喜愛既國家之一,平時我睇韓國節目仲多過香港電視O架,成日都見到好多韓國藝人素顏上鏡,皮膚真係又白又滑,毛孔係細到肉眼都睇唔到;我仲留意到佢地好注重清潔,不分男女既卸妝洗面過程都好仔細,所以今次有機會試用韓國醫學牌子LEADERS CLINIC既卸妝清潔孖寶,希望可以藉此洗出漂亮肌膚啦...

LEADERS CLINIC 激煥去角質深層卸妝霜 $140/300ML

含有橄欖油成分,能溫和地把彩妝殘留溶解清除;植物性BETAINE（甜菜鹼）成分能清除老化角質,配合白米粹取物,能令暗啞而粗燥的肌膚回復明亮潤澤;加上滋潤肌膚的木瓜粹取物,以及有緊緻作用的膠原蛋白及彈力蛋白等等,持續使用,能令肌膚回復緊緻,更乾淨,更有彈力..

豐盈既CREAM狀質地,好易推開,每次大約用1粒櫻桃既份量已經足夠..

將卸妝霜O係乾既面上按摩,直至彩妝開始溶開,再用TISSUE抹乾淨全面,再過水,呢個係我自己既使用方法,不過你亦都可以按完唔用TISSUE抹直接過水,就會較為滋潤一D,但我喜歡清爽既感覺,所以TISSUE OFF後會再過水...

卸完皮膚依然好有光澤同彈性,乾淨得黎唔會有繃緊既感覺,當然眼部彩妝同防水產品,要用專用卸妝液比較好,但底妝同其他唔防水既妝容,一次過已經可以卸除晒,O係冬天用CREAM狀卸妝產品最好,因為對皮膚拉扯比較少,又會比較滋潤,唔怕天氣乾嘛..

LEADERS CLINIC 激潤膠原蛋白保濕潔面泡 $118/170ML

含有在海洋抽取的膠原,保持皮膚的水分,提升皮膚彈力和光澤;而弱酸性配方,在潔膚的同時,能維持肌膚的天然保護膜,不像一般的潔面用品帶給肌膚負擔,保持柔嫩,讓肌膚持續散發年輕光釆;早晚使用,能令皮膚保持彈性,緊緻如同年輕皮膚..

膏狀CLEANSER只要好少份量,加水已經可以有大量泡沫..

O係微濕既面上按摩,D泡係會愈按愈CREAMY O架,所以我都不知不覺比平時按耐O左,因為個質感實在太舒服啦,過完水皮膚好乾淨,清爽得黎又唔會好乾,呢幾日濕度只有2X-3X%,但我早晚用佢都OK;弱酸性既CLEANSER果然好適合敏感皮膚使用,天氣點轉都好,我都冇泛紅乾燥既感覺,真係好溫和..

用完卸妝清潔孖寶一個星期,皮膚變得細緻平滑O左,冇咁易出酒米粒粒,可能因為面部肌膚變得乾淨,之後搽既護膚品都特別吸收,皮膚就可以KEEP住水潤健康啦..

銷售地點:

全線萬寧獨家發售

http://www.leadersclinic.hk

韓國醫學美容品牌LEADERS CLINIC EVENT~~

近年大熱醫學美容,相信大家都用過唔少歐美出產既醫學品牌,不過出名皮膚又白又滑既韓國人,原來都已經開始著手研究生產醫學護膚產品啦,由多位來自首爾國立大學皮膚學專家創立既LEADERS CLINIC,相信更加適合亞洲人既皮膚...

上星期舉行既LEADERS CLINIC發佈會,作為韓國最受歡迎既醫學美容品牌,宣佈經由萬寧作為銷售點正式進駐香港啦...

專程到港出席今次活動既韓國代表介紹今次發佈會同LEADERS CLINIC,之後3位韓國代言人: 韓國小姐崔允榮,韓國影視女星全恩正及韓國名模柳成玫,都上台分享平時護膚心得同使用LEADERS CLINIC產品既感受,原來佢地D皮膚咁靚,都係靠做好清潔同日日敷MASK..

仲有美肌大使梁政珏小姐,分享自己最鐘意用LEADERS CLINIC既COLLAGEN MASK,日日拍戲都仲可以KEEP住皮膚好好..

LEADERS CLINIC既然係醫學美容品牌,所以亦邀請O左香港資深醫學美容醫生郭任達出席,佢都好認同及欣賞LEADERS CLINIC O係醫學美容方面既研究,同場仲有香港代言人洪卓立,佢D皮膚真係又白又滑,連郭醫生咁近距離檢查之下,都話細緻到搵唔到毛孔呀..

最後LEADERS CLINIC仲比O左2樣CLEANSING產品返去試用,分別係:

激潤膠原蛋白保濕潔面泡

激煥去角質深層卸妝霜

唔知用完D皮膚可唔可以好似韓國人咁好呢,想知就要留意我幾日之後既分享啦...