韓國 HEA。食。SHOPPING 之旅 (下)

 

 繼續分享我的 11月泡菜國之旅..

 第 3日一早起身後,到酒店同一條街的 ISSAC買三文治當早餐..

要排隊但唔耐,三文冶係 OK既,但唔算好好食...

 

 

 以為一份好大件,但原來女仔食都係剛剛好咋...

 

 

食完就行去樂天百貸 DUTY FREE SHOP掃貨啦..

 

 

我買O左唔係好多野,幫朋友買既好似仲多..

用 VISA白金再有9至95折,都幾抵,部份仲買一送一添...

 

 

買完野已經 下午2點,出發到馬場食韓牛..

步行約 10-15分鐘,穿過市場後面就有烤肉店,我地都係食龍門家..

 

 

韓牛雪花位多既部位真係入口即溶,但個人鐘意有咬肉既部位多D..

人多就可以叫多幾款試,而除O左韓牛外,其他飯、大醬湯、汽水都無收錢O架..

 

 

之後去弘大行O左陣,就返酒店休息下啦..

 

 

夜晚落雨又凍唔想行太遠,就O係明洞食芝士排骨..

爆多芝士,但我覺得加飯炒仲好食,夜晚仲食O左 TWO TWO炸雞做宵夜..

 

 

第 4日又係 11點幾食飯,想早D食完去樂天超市掃貨..

辣炒雞加芝士,最後炒飯,無理由唔好食,不過連續 2餐芝士真係有 D漏...

 

 

去首爾站樂天掃到傻,好在帶O左個旅行袋去..

 

 

夜晚到往十里試任食烤貝,地庫有少少焗,好在天氣都凍又有雨..

夏天去另一間上樓的會比較好,食物都幾多,貝類海鮮多..

但反而覺得香腸同烤薯,茄子最好食,HAHA...

 

 

返酒店開黎試,似粟米脆片,仲好食過薯片,一陣就 KO晒..

可惜只有包裝,好難帶返香港...

 

 

最後一日食雪濃湯,天氣凍食超正..

再行陣 1,000WON店就搭車去機場啦...

 

 

CHECK IN後,我地就去搵野食,大家夾晒身上有既 WON買晒..

最後買埋野飲只用剩 100WON,我地好勁!!

 

P,S.韓國退稅都係分 3個公司,其中 1間可以O係明洞搞,另外2間O係機場都好快..

比兩年前要排晒長龍,而家真係方便好多...

 

P.S.2 今次坐韓亞,我覺得比上次大韓坐位較闊同穩定好好多...

只係食物方面大韓有拌飯係比較好食,但價錢差好遠...

 

P.S.3 旅行難得大家都無咩要求,食下 HEA下買下又一日..

真係好開心,希望下次旅行可以再去過^^