小資女孩美白推介: $20元DIY變出白滑肌

 

平日時常介紹各大品牌最新產品同美容院療程,其實我閒時都鐘意DIY護膚O架..
擁有敏感肌既關係,日常使用既產品都以保濕同舒緩為主,反而美白就比較少...
所以喜歡用天然材料黎保持肌膚白晢均勻,而以下就係我既超級推介!!!!



紙面膜(平價開架既就可以,主要選用保濕滋潤,但精華要多)
軟膜粉(比較喜歡用海澡,有消炎成份)
純乳酪

3樣加埋其實唔使$20,除O左紙面膜只可以用一次,其餘材料其實可以分2-3次用..
選用既款式可因個人喜好而定,無咩所謂...



清潔好面部肌膚後,就可以敷上面膜..



敷緊紙面膜既時候,同時可以開始準備乳酪面膜...
倒入乳酪,逐少加入軟膜粉攪勻..



直至杰身一點以及冇粉粒為止..



5-10分鐘後取下紙面膜,稍加按摩...



面上仍有精華時搽上厚厚既乳酪面膜...



用乳酪敷面其實唔係咩新發現,不過就咁敷因為比較稀會周圍滴..
所以我就諗到加入軟膜粉呢個方法,唔會再滴而且有消炎(選用海藻款式)作用添..
敷約20-30分鐘,就可以用棉花抹走再用水清洗乾淨...



老實講,我以前都用過既F牌乳酪MASK,相比起黎呢個DIY方法,用完膚色更白淨均勻..
而且用既材料都好溫和,基本上任何皮膚都可以用,當然敏感肌都得啦...
方法簡單又便宜,我覺得大家可以一試呀^^