Pinksheeb Is Sandra: VEGAS 360 全方位尊貴美容體驗(下): NIOXIN控油保濕鎖色療程

2012年9月29日星期六

想擁有一頭亮麗秀髮,大家都知道要定期護理做TREATMENT..
不過當出現脫髮、頭髮稀疏等問題時,就需要從頭髮既根本--頭皮同髮根著手..
日常既洗髮用品、過度電染、造型產品都容易殘留於髮頂,影響頭皮健康,甚至堵塞毛囊..

要進行專業既頭皮護理,當然要到同樣專業既NIOXIN護髮中心..
擁有多種療程,可針對不同問題同嚴重性而作出治療..

第一步係要作頭皮健康分析..
放大睇真係好恐怖(雖然我已經唔係第一次見,HAHA..)

治療師話我頭皮乾,所以先會出油令我覺得好易笠,亦都有少許敏感..
見到有D令同毛囊側邊既污垢,係因為用上唔合適產品而殘留既..
幸好我既髮量都仲算幾多,暫時係無脫髮問題..

今次我係試做控油保濕鎖色療程($700/次)
三重療護科研專利,能平衡油脂、強效保濕,修補及預防因化學處理後引致各類頭皮不適
首先用上NIOXIN洗髮水同護髮素,好強勁既薄荷清涼感,夏天用好正!!
而佢既護髮素同一般既唔同,係特別護理頭皮,給予養份,所以比洗髮水更重要O架..

之後就搽上已混合好既CREAM狀精華,主要搽頭皮髮根位置,最後全頭按勻..
再焗約10分鐘到,令養份滲透得更好..

過水後再進行多一次分析,見到真係乾淨O左好多呀...
雖然仲有少許未清得晒,但我覺得都清O左8成,只做一次已經有既效果已經好好..

見有時間,仲比我去睇下呢部過百萬既SUNETICS "G",專門用黎治療脫髮人士..
運用107(650NM 5MW)鐳射波,美國FDA認可及國際醫學證明,成功率達99% O架!!

個LOOK係搞笑D,不過成功率咁高,如果有呢方面問題真係不妨一試..
低能量雷射頭髮再生療程($1,400/次)

做完療程後,即時係感到輕盈好多,頭皮係乾淨O左..
髮色好似鮮色點,頭髮亦都好柔順易梳..

如果想KEEP住效果,其實仲可以買家用裝產品返去用O架!!

2012年9月29日星期六