再入迪士尼。灰熊山谷預演日

 

回顧迪士尼樂園開業至今,園內設施幾乎逐年增加..
儘管同外國比較規模仍然較細,但以香港這個彈丸之地來說已經頗不錯..
所以每年我都至少會進場一次,購物也好、玩樂也好,絕對係一個消磨時間既好地方..



收到迪士尼方面既邀請,可以早一星期試玩於7月14日開幕既灰熊山谷..
上星期日同朋友一行4人,到步後換好票同手帶,就即刻入場啦..



因為預演時間只到下午3時,所以我地先往灰熊山谷出發先..
位於ADVERNTURELAND隔離,一入去就見到好多山同路軌..



其實係玩灰熊山極速礦車既地方..
因為當日突然落大雨又有雷暴警告,為安全計都要等到除下為止先開番..
但一場黎到,就算我唔玩朋友點都要試玩下,因為佢係成個山谷既重點遊戲嘛!!!



就咁睇以為佢係小兒科,因為冇360度轉圈又唔係勁高...
但其實佢會向前又突然向後加速,都咪話唔驚..



膽小既朋友可以選擇到噴泉山谷打水戰..
悶熱既夏天玩呢個最正!!!



仲有周圍影下靚相...
景色好有西部牛仔FEEL,HAHA...



我地3個比人通緝!!!!好搞笑...



仲有表演歡迎大家到臨..
但唔知點解係咁短??!!!定係預演係先係咁??



同場撞口撞面都係BLOGGERS,難得見到KANIX囡囡,影個合照先..



玩完仲有個證書添,作為首批試玩既紀念..

老實講灰熊山谷環境做得唔錯,可以影相既地方幾多..
不過玩樂設施較少,入去大家都集中玩礦車,大排長龍呀!!
小食亭既食物都幾好味,有我愛食既炸物!!而打水戰亦都幾O岩小朋友玩..

繼TOYSTORYLAND同灰熊山谷相繼落成後,我好期待下年開既迷離莊園,希望快D完工啦^^

http://park.hongkongdisneyland.com
http://www.disney.com.hk/