ROUND 2:OLAY美白防曬 X ANNIE G. WORKSHOP

上月底參加OLAY美白防曬 X ANNIE G. WORKSHOP,完成之後拎O左SET ESSENCE,CREAM同防曬返去試用,今日就係再去驗收成果啦...

OLAY高效透白精華 $299.9/40ML

含高濃度Sepiwhite(醯苯胺),維他命B3(Niacinamide),醣化橙皮苷與維生素C醣苷等珍貴亮白成分,四大亮白成分發揮不同亮白機轉,結合美白,保濕,由內而外看見水嫩透白,感受媲美專櫃品牌,突破性的頂級美白,讓妳清楚看見美白改變..

OLAY高效透白水凝霜 $179.9/50G

含高濃度Sepiwhite(醯苯胺),維他命B3(Niacinamide),橙皮多酚,角鯊烷,氨基酸,以及維生素C醣甘等珍貴亮白成分,美白同時提供全天候超長效保濕效果。滋潤度彷彿乳霜般,能聚合水分並迅速滲透至深層肌膚,高效補充水分,令肌膚水嫩,彈性,散發出白皙透白同時顯出水潤晶澈..

OLAY輕透隔離防曬乳液 SPF30/PA+++ $139.9/40ML

獨特隔離科技 阻隔10大UV光線:獨特隔離科技「UV PROTEC™」,含Tinosorb M, Tinosrob S與OMC等多種防曬配方,能隔離室內及室外多種UV光線,比單一防曬成分,更能全面保護肌膚,阻隔「十大UV光線」,預防肌膚曬黑,為妳提供無微不至的全方位防曬...

試用日期: 24日

皮膚性質: 混合偏乾,易敏感起粒粒,膚色唔均勻,有少許色斑同印..

精華素係半透明LOTION,好水好爽身,滴管設計好衛生亦都方便計算份量,每次我用大約2泵面連頸搽...

水凝霜係布甸狀既半透明GEL CREAM,質感輕盈透薄,水份好足,而且當你拎完佢隔一段時間,就會自己填平番,好得意...

第一次上WORKSHOP時ANNIE教我地可以搽厚D個CREAM,當SLEEPING MASK都得,效果好好,不過我發覺一次過搽太多,好易會有屑屑出,所以我會薄搽多層,其實佢都吸收好快,個厚度同幾多層就因人而異,要試多幾次先知..

防曬係白色LOTION,好水又易推,唔會LUP,我有時用埋黎搽手臂O架..

用O左24日之後,皮膚真係均勻O左好多,平時已經算皮膚白既我,都仲有得再白喎,唔知同我豪用有冇關??因為枝精華同CREAM O係我第二次去WORKSHOP時已經用完LU,防曬就仲有一半..

除O左白之外,我覺得水份都好足夠,皮膚係明顯SMOOTH同有光澤O左,而且美白產品未必樣樣都O岩敏感皮膚用,但OLAY完全OK O架..

搽晒精華同CREAM,水份,油份同柔軟度都有改善...

睇下我7月24日試粉底時,係用3.25色O架,今日去.....係2.5色呀,白O左有差唔多1度,真係估唔到喎..

美白防曬係一年四季都要用既產品,所以一定唔可以慳,我意思唔係價錢,而係份量,因為你買得幾貴都好,如果你就住每次只倒少少黎用,倒不如買平價既OLAY豪用,真係有效果又唔肉痛,而且因為係開架品牌,成日都會有PROMO同DISCOUNT,完全係抵用之選..