VICHY LIFTACTIV CxP活性緊緻面霜

早前有幸抽中O左BE X VICHY搞既試用活動,話咁快就已經用O左兩星期啦!!HAHAH.....大家係咪好心急想知我用VICHY呢罌CREAM用成點呢??!!!咁就快D睇落去啦...

VICHY LIFTACTIV CxP活性緊緻面霜 50ML

傳統上,要做到抗衰老,每每要靠注射式的Botox,Radio Frequency射頻等的外科手術提升療程。然而,此等外科手術復原時間較長而且有一定危險性,所以各醫學護膚品牌不斷尋找安全,持久的Biological Lifting抗皺方案。

而VICHY經多年研發,終於設計出針對下垂,皺紋等問題的Biological Lifting生物活能塑顏科技。以出色的「Continuous Release持續釋放」科技配合維他命C與Peptide2抗皺提升效果,推出LiftActiv CxP 活性緊緻系列,為肌膚增加9倍彈性蛋白纖維,縮短肌膚纖維再造更新周期。

使用日期: 14日

使用次數: 28次

皮膚性質: 混合性偏乾敏感肌

用後感:

豐盈既CREAM FORM質地,初初開蓋O個時見D CREAM好似好實,以為會好杰好難推,但其實一了出黎係好易推開O架,質地好幼滑,而且味道係似爽身粉+淡花香味,我幾鐘意,搽完都仲聞到D味....

質地真係好CREAMY又易推...

按摩圖..

產品附帶既圖有教搽之前要按摩,O係有紋既地方打圈按,加速血液循環先再搽CREAM,不過我覺得塊面冇CREAM就咁按,就算有搽精華素打底,其實都會按得冇咁順,所以我會搽少少CREAM按O左先,之後再搽足夠既CREAM,咁就好好多...

早晚我都係用佢代替MOISTURIZER,而家咁乾既天氣都好夠潤,唔會乾又唔會油,真係O岩O岩好,本身TOUCHWOOD我面都仲係冇咩紋,最多都只係有少少乾紋,面部去紋我就測試唔到啦,所以我係集中試佢LIFTING同去頸紋功效,一直以黎最想FIRM既地方係下巴腮位同頸,可能我面都多肉,年紀大O左就開始覺得FIRMING好緊要,而且因為自細已經有頸紋,真係好難搞,所以我呢幾個部份係特別搽多D CREAM又按多D ,基本上面同頸加埋要用2粒車厘子咁多,真係豪用!!!但我想試真個效果嘛....按就會按2-3分鐘到,特別集中按有紋同想FIRM既位...

每次都搽咁多O架,呢個份量只夠搽面,頸一樣用咁多...

我最關心既位,左圖係使用前,右圖係使用14日後 (膚色唔同係因為燈光問題)

用O左有14日,我覺得腮位係有FIRM UP少少,皮膚明顯彈性好O左同滑O左,下巴好似冇咁腫,我諗日日按都有D去水腫功效,至於頸紋好似冇咁深,不過我真係豪搽又好有心機按O架,而呢隻CREAM質地真係幾O岩配合按摩用,佢延伸力好好但又唔會話按一兩下已經冇晒,係FOR你按一陣先吸收晒...

 

 

豪搽14日之後,罌CREAM得番1/3咋...

 

總而言之,用O左佢皮膚質素O係彈性同SMOOTH方面既效果比較明顯,LIFTING同去紋都有輕微改善,不過我只係用O左兩星期,我諗用耐D效果會更加好..

 

P.S.不過佢既成份可能比較ACTIVE,所以對於我呢類敏感性既皮膚都係有少少刺激,有時搽完會有紅紅地同痕既現象出現,不過一陣又冇事啦...所以皮膚易敏感既SIS,初初用可以將份量搽少D試下先,直至皮膚習慣O左先再慢慢加,會比較安全...