FREE GIFT: FA DEODORANT SPRAY & ROLL-ON(用後感UPDATED)

FA DEODORDANT ROSEFLOWER SPRAY &

GOLDEN STAR DEO ROLL-ON

因為JOIN O左HKCOSME.COM試用,今次就有FA止汗用品......

其實咁大個女, 我都未用過止汗產品O架(會唔會好少人係咁????), 原因一係我本身唔係一個好大汗既人, 二係因為覺得市面上既止汗產品, D味都係好濃好俗...

今次既然有得試用, 我就作出生平既第一次啦....

**GOLDEN STAR DEO ROLL-ON 50ML

話明叫ROLL-ON, 就梗係轆轆頭O架啦, 佢一搽出黎有好濃既花香味, 止汗劑搽O左大約5秒就吸收O左, 好乾爽, 而且過O左陣之後, 隻味就開始變成淡淡既幽香喎, 有D似淡香氛既味道, 夏天如果用O左佢, 真係香水都可以慳番, 如果本身唔鐘意搽香水既人, 只係用佢都會有香味, 幾吸引!!!!!

********用後感*********

使用次數:2次

ROLL裝可以貼住皮膚搽, 所以止汗劑既份量會多D, 效果亦都更加明顯, 呢幾日天氣都好悶熱, 雖然我唔係大汗既人, 但都難免會有汗, 不過搽O左佢, 就真係少O左喎, 好乾爽, 可以KEEP到大半日都冇問題.....

**ROSEFLOWER DEODORANT SPRAY 150ML

至於SPRAY裝最O岩懶人用, 朝早好趕時間, 都只係噴2下就搞掂, 幾乎係一噴即乾, 快, 靚, 正!!!!而且有涼涼地既感覺, 夏天用好O岩FEEL!!!!!!!!! 噴完個人都醒D,HAHAHH..........

ROSEFLOWER既味, 其實都係花香味道, 不過就比GOLDERN STAR淡好多, 係比較FRESH, 噴完出街, 其實已經好淡味, 除非你行近咁聞啦, 所以一D鐘意好淡味既人, 呢個會係唔錯既選擇....

********用後感*********

使用次數: 2次

SPRAY裝就比較方便, 同埋好似衛生D, 不過亦因為咁, SPRAY其實噴出黎既劑量, 係唔夠ROLL裝多既, 所以止汗效果, 亦都冇咁持久, 大約只可以維持半日到...

##總括: 2隻都可以有效止汗, 但就分別FOR不同需要既人, ROLL裝比較O岩D大汗, 或者需要長時間O係戶外工作既人用, 除O左功效持久, 香味亦都可以KEEP得耐D, 鐘意有香味既人, 都好O岩用...SPRAY裝就適合平時上班, 生活步伐好急促既人用, 只需噴一下已經出得門口,好方便, 而且花香味好淡好自然...