Pinksheeb Is Sandra

2012年9月24日星期一

ORGANIC NATRALOX 加強版完美活膚眼霜: 28天看得到的改善

以我真實年齡計,眼周肌膚其實尚算KEEP得不錯..
只係朝早容易浮腫,加上習慣夜瞓形成黑眼圈,都係我最想解決既問題..
若果要搽上2-3種眼部產品護理,我又嫌麻煩,所以最好係用上功效全面既眼霜..

ORGANIC NATRALOX ORGANIC EYE CONTOUR CREAM
完美活膚眼霜(加強版)
$1,080/15ML

專為柔弱眼部肌膚而研製的全效眼霜..
蘊含橄欖、乳木果、庫拉索蘆薈及有機認證的祖祖巴油和酪梨油..
以舒緩鎮靜肌膚,增加眼部肌膚彈性、光澤,預防老化..

揉合獨特專利配方EYELISS有效收緊眼袋及減輕眼部浮腫..
配合MATRIXYL 3000及蛾豆精華,實驗證明使用60天有效減退細紋和皺紋達45%..

稀身CREAM狀,質感水潤易吸收..
搽完肌膚呈現光澤感..

早晚用上約一粒紅豆份量搽上眼周,稍加按摩更效果更好..
即時解決乾燥問題,令肌膚變得更柔軟..

使用上28日,最明顯係改善雙眼浮腫問題..
眼皮、眼肚位置都感覺平伏O左..

黑眼圈只係淡O左少少,不過眼周色素有變得均勻..
雙眼望落更有神彩^^

P.S. 由10月1日起,凡購買ON EYE CONTOUR CREAM(加強版)
即送ON RECOVERY HAND CREAM ($220)一枝
有興趣唔好錯過今次機會!!!!

銷售點:
HARVEY NICHOLS
MIMINGMART

http://www.organicnatralox.com/http://www.facebook.com/pages/ORGANIC-NATRALOX/166866016012

2012年9月21日星期五

L'OREAL PROFESSIONNEL全新染後髮質護理系列: INOACOLOR CARE

截至現時為止,今年總共染O左4次髮,即係平均兩個多月就進行一次...
雖然我有定期修剪髮型,但仍然受到乾旱毛燥既困擾,髮色亦容易變得暗啞..
最近用上全新染後髮質護理系列INNACOLOR CARE,打算為一頭亂草急救下..

INOACOLOR CARE PROTECTIVE CREAM-SHAMPOO
專業染後護理洗髮乳
$150/250ML

蘊含堅果油、綠茶精華及5種溫和清潔因子,泡沫豐富柔滑但不含硫酸鹽表面活性劑..
能保護髮色、徹底潔淨髮絲,更帶來舒適的洗髮感受..

白色LOTION狀,帶有濃郁既花香味..
易起泡而且泡沫非常豐富,過水後感覺清爽順滑..

頭皮清潔度不俗,但帶有適當滋潤感..

INOACOLOR CARE PROTECTIVE CONDITIONER
專業染後護理護髮素
$150/150ML

堅果油及綠茶成份有效修護,護髮素更會於每條髮絲表面形成一層薄膜..
避免髮絲外層的天然脂質流失,提升頭髮纖維內的脂質含量,令秀髮更滋潤、更柔順..

GEL CREAM狀,質感輕盈..
搽於洗髮印乾後,稍為按摩再過水..

洗髮護髮後,頭髮變得非常順滑易梳..
髮色亦都變得有光澤一點,唯髮尾不夠滋潤..

INOACOLOR CARE PROTECTIVE CONDITIONING MASQUE
專業染後護理護髮膜
$210/200ML

含豐富堅果油及綠茶精華成份,每星期一至兩次,代替護髮素使用..
有效深層滋養染後頭髮,讓秀髮變得水潤亮澤、絲般柔滑、染髮色調更拎久..

杰身CREAM狀,質感非常豐盈厚身..
洗髮後代替護髮素使用,等幾分鐘即可過水..

用後感覺非常滋潤,平時鬆散既髮尾都較為貼服..
光澤感增加,每髮色變得鮮明一點..

銷售點: L'OREAL PROFESSIONNEL指定專業髮廊
查詢熱線: (852) 3180-1510http://www.facebook.com/lorealprofessionnelhongkong

2012年9月20日星期四

率先試韓國專業醫學護膚品牌SUISKIN: 卸妝、清潔孖寶

由於習慣每日化妝,所以卸妝同潔面產品既消耗量非常大..
平均個半至2個月就會用掉一瓶,所以選擇方面不會購買太貴既品牌...
但至少要達到乾淨、抗敏、不繃緊既基本要求..

最近率先試用一隻韓國專業醫學品牌SUISKIN 其中既CLEANSING SERIES護膚淨顏系列..

SUISKIN DEEP SEA ESSENCE CLEANSER
深海精華卸妝液
$196/80ML

配方溫和,提取瑞士海洋深層水及草本成份..
能輕易徹底卸除眼、唇及臉部防水厚妝、化妝品殘留物..
深海原礦精華可直接導入肌膚底層細胞,補充水份..
薰衣草及迷迭香草本精華,具舒緩敏感及抗炎作用,讓肌膚水潤柔嫩..

質感好特別,似杰身既GEL,但按開又似油,感覺豐盈..
用粉底/CREAM狀胭脂/LIPSTICK示範,只要推溶再過水,就乾淨晒..
之後用卸妝水再抹,係完全冇任何殘留彩妝痕跡..

是日化O左個全妝,用上超防水EYELINER..

用上5-6泵份量(因為泵口較細)按摩全面..
見到彩妝品連EYELNER都溶得7788..

無須乳化,用水直接沖洗即可..
真係卸得非常乾淨,連眼部化妝都甩晒..
一D油膩感都無,感覺好乾爽O架!!

SUISKIN ENZYME POWDER WASH
輔酶酵素潔面粉
$196/65G

蘊含純天然輔酶酵素及木瓜蛋白酵素等成份..
配合納米技術,以微細粒子進入肌深層,徹底潔淨毛孔污垢.
高效去除粗糙老化的壞死角質層,促進肌膚新陳代榭,達至水油平衡..

特製樽口可以輕易倒出合適份量..
加水起泡至感覺不到粒粒為止,泡沫都幾CREAMY..

可輕輕按摩,尤其鼻同下巴油脂分泌較多地方..

過水後非常清爽,肌膚好柔滑,膚色感覺淨白一點..
不過最近天氣稍為涼,建議晚上使用後最好即時搽上保濕產品..

SUISKIN將於十月正式登陸各大萬寧,有興趣既要留意啦^^

http://www.suiskin.hk/
http://www.facebook.com/suiskin.catilbeauty

2012年9月19日星期三

M.A.C將軍澳新都城全新專門店GRAND OPENING

M.A.C品牌一向走專業彩妝路線,深受化妝師及喜愛時尚人士歡迎..
幸好位於九龍港島區既專櫃/專門店頗多,所以每次去補貨都非常方便..
不過住O係新界區既朋友就因為只有屯門一個銷售點,覺得購買起黎實在係唔多就腳..

為O左滿足住新界區FANS既需求..
上星期終於O係將軍澳新都城開設M.A.C全新專門店

琳瑯滿目既彩妝品、化妝工具、護膚品等等..
即場仲有專業化妝師提供指導同化妝服務..

MODEL們為配合最近新出既STYLESEEKER系列..
化妝、穿搭都充滿民族復古風..

顏色偏向EARTHTONE加金屬味道係今季秋冬大熱妝容..

參觀完新店後,吉時一到就係醒獅表演既時間..
品牌代表剪綵、點晴、接過福袋後,全新專門店就正式開張啦!!!

有幸參與新店開幕,最後仲收到品牌PR送上多款產品添..
返去我要逐樣試真D先^^

P.S. 現時至9月20日到將軍澳新都城店購買任何產品
都可獲贈一次免費修眉服務(價值$150),有興趣既唔好錯過今次優惠啦!!

http://www.maccosmetics.com.hk http://www.facebook.com/MACcosmetics

2012年9月18日星期二

在家DIY瘦身療程第一回: TRIPOLLAR POSE RF射頻燃脂機

相比起去年,我真係肥O左十幾磅都有,最嚴重既就係個大肚腩..
本身已經係肥底,再加多幾層肥膏,真係慘不忍睹!!!!
其實最近已經有開始控制飲食,亦都有定期到美容院做機..
不過為O左想更快見效,O係家中我亦開始隔日進行我既DIY瘦身療程..

TRIPOLLA POSE射頻燃脂機(FOR BODY)
$5,988(首100部$4,988)

一盒包主機、火牛、插頭、 TRIPOLLAR POSE專用啫喱

主機其實好細,比手掌大小小.
按頭有四極圓珠,可以將低功率、高頻率既RF射頻,聚焦到皮下層及真皮層..

TRIPOLLAR POSE專用啫喱可以保護皮膚,避免使用時受高溫灼傷..

選擇好想使用既範圍後,清潔好皮膚及均勻塗上一層啫喱..
啟動後,建議先從LOW開始,慢慢由MIDDLE加到HIGH,但以自己可接受既熱度為主..

按後皮膚會感到熱同有少許發紅,呢個係正常現象,過一陣就會消失..

見到我個肚腩係咪真係好勁呢???!!!HAHAH...
尤其係BRA位對落腰側O個大舊肉,係平時出去做機都唔會點碌到既地方..
不過自己屋企整就可以啦,鐘意碌咩位都得,時間亦可以自己控制..

上圖係用O左1次既效果,肚腩連腰側我用O左50分鐘到..
老實講係有D手攰,但真係有效,最明顯係腰側舊肥肉細O左同打散O左咁..