打造自然濃密眼妝@CHARMATIC雙層魅睫

 

以前曾經瘋狂沉迷假眼睫毛既時候,家中長期KEEP住有過百對存貨..
每日都用令我成為熟手技工,連剪裁、搽膠水、戴上都不消3分鐘,絕對快過搽睫毛液..
所以坊間不同款式既假睫毛幾乎被我試勻,唯獨係未見過呢個雙層款喎!!!



CHARMATIC雙層魅睫


綜合A款 $120/5對


001款式



這款CHARMATIC雙層睫毛,邊框唔係屬於軟身款,較為挺身..
不過弧度幾FIT眼形,所以非常易貼上..



只有眼尾部份加上雙層睫毛,非常自然..



002款式



偏短/幼身交叉款+較疏尖長款重疊而成既雙層款式..
濃密得黎仍然好自然,而且有尖長尾端..
特別適我偏圓既眼形..



5款之中我最愛002



003款式



交叉款開始粗身點,而尖長款變得較密..



所以戴上眼效果都幾明顯,亦都會比前兩款有重量一點..



004款式



非常濃密,交叉款同尖長款都好密又粗身..
影相或者有場合使用一流..



用後雙眼有明顯放大效果..



005款式



交叉款幼身但較長,尖長款就粗身一點..
所以開眼效果都幾自然,只係睫毛較長,但合埋眼就好明顯..

因為眼形問題,我係鐘情一D濃密得黎較長既款式,..
反而太粗身我對眼會變得非常誇張..
所以005係我第二首選..

CHARMATIC雙層魅睫其實唔止有綜合款,亦有單款售賣..
鐘意自然一點既仲可以揀番傳統單層款式經典美睫($89/8對)添!!

ENID台灣美妝有售http://www.facebook.com/charmatichkhttp://www.enid.com.hk/

體驗零痛感CANDELA GENTLE LASE腋下激光脫毛永久療程@HK MEDI ANTI-AGING CENTRE(一)

 

每逢夏天,即使沒有進行水上活動,但只要穿上短袖衫褲,都已經有解決身體毛髮既需要..
因為除O左影響外觀上既儀容之外,亦可能會造成個人衛生上既問題..
一般而言,最常使用既脫毛方法都有幾種,包括: 剃刀、脫毛膏、蜜蠟、鉗子等等..
不過效果並不持久,最短既可能幾日就要重覆再用,亦有可能弄損肌膚同毛囊添!!



想安全而又真正永久脫毛,最好當然係進行激光療程啦..
今次我就到尖沙咀HK MEDI ANTI-AGING CENTRE 香港醫學抗衰老中心
 

體驗被美國雷射醫學會評為最佳脫毛科技既
CANDELA GENTLE LASE 755NM激光永久脫毛療程..



其獨有DYNAMIC COOLING DEVICE專利智慧型動態冷卻系統..
於激光發射前後均發放零下負20度霧態冰感付冷凍劑,迅速冷凍及鎮靜肌膚..
擁有全球最細脫毛激光波長,有效深入皮膚真皮層,破壞毛囊,達致永久根除毛髮..
零痛感仲又可以安全永久脫毛,等我試下係咪真係咁正先...



美容顧問比O左份表我填簡單既個人資料後,就可以入咨詢室啦..
了解身體狀況後,會講解整個療程既過程,進行前後要注意既地方等等..



各方面都無問題,就會到治療室開進行..
圖中右邊就係今次療程既主角: CANDELA CENTLE LASE



戴上特製眼罩後,可以完全覆蓋雙眼,避免進行時受到強光影響..
因為顧問一早打電話提醒我要剃毛(但千萬不可以拔呀!!!)
所以治療師只要清潔好腋下位置,就可以開始啦..



以前有過一次試打激光脫毛既經驗,進行中會不斷聞到一陣燶味..
雖然有凍風出但都係有感覺,今次真係治療師唔講我都唔知佢已經打完..
因為完全無任何感覺,只知道有一下下凍霧噴出黎..

做完會比顧問檢查下(因為係療程首次)搽上CREAM後就OK啦..
整個過程真係幾分鐘就搞掂,非常方便!!!



如果有需要仲可以補個妝,梳理下先走..
最後BOOK埋下次療程時間(需要至少4星期後,配合毛髮生長期)..
亦提醒我之後數天唔好用太熱既水同酒精產品,避免刺激,其他如常就可以啦..



離開時發覺地下既IFORMULA係售賣擁有CGMP+及PHARMACEUTICAL GRADE
標準既世界醫藥級營養補充劑..

HK MEDI AAC獨有個人基因測試美肌抗衰老方案,可以了解身體/肌膚不同需要..
通過使用合適既營養補充劑、醫學美容療程、微整形等等..
進行一站式內外全方位美肌服務!!

本身我毛髮唔係勁多,不過都頗黑同粗..
療程後即時既變化算好明顯,但覺得腋下膚色白淨一點..
而一粒粒既毛囊亦有變平滑少許..

療程進行既次數多寡因人及不同部位而異,由2次至6次不等..
想知道我既進展,就要留意下一篇既分享啦^^

http://www.medi-antiaging.com.hk/

初試日本、台灣大熱太空艙岩盤浴@神之湯殿

 

自小跟隨媽媽不易出汗既體質,就算做上劇烈運動,停下來不消5分鐘便會回復乾爽..
大汗既朋友都好羨慕我,因為咁樣就可以減少因流汗而引起既尷尬情況出現..
但其實我知道係身體血液循環不好既徵狀,排不出汗水,毒素自然會積聚..
加上平時OFFICE生活成日坐,久而久之就會產生各種痛症!!!



所以最近去神之湯殿試下日本、台灣大熱既太空艙岩盤浴..
具備溫泉、蒸汽浴、遠紅外線太空艙既優點,一次過可以有減重、美容、健康三大功效
我最希望既係可以改善血液循環同肩膊痛既問題!!!!


地方不算大,但裝潢整潔典雅..
設有4張太空艙岩盤浴、更衣室、化妝間、休息區等等..


初次到既客人,都要填一份個人資料,以便之後量度體重、體脂、代榭率一併紀錄..
之後就可以到櫃檯後面既更衣室..



卸妝、沖涼,再換上衣服,鎖好個人財物就可以開始啦..



太空艙下底層鋪滿溫熱既岩石,採用罕見既鐳礦石成份..
每使用40分鐘就等於跑步10公里既運動量..放射出高濃度負離子及遠紅外線..
雖然凹凹凸凸,但瞓上去暖暖地幾舒服..


入去後只會露出個頭,所以無一般焗爽拿O個D會整到呼吸困難,AHHAH..
開始後會有15分鐘面、頭、肩、頸按摩,用上特製既如意棒..


可以FIT到不同穴位,而且同樣可釋放出大量負離子..
一向有肩膊痛既我,都比按摩師話我好硬好實,所以集中幫我按多幾下..



最後10分鐘,會戴上美妍面具,個樣有D恐怖,HAHAH
不過當時就真係幾熱下,一黎已經焗O左有一段時間,二黎敷埋塊面..
我感覺到背脊同頸都有汗出,但我手腳都仲係爽身..


完成後既樣,頭髮亂晒,不過塊面真係紅粉緋緋,感覺好爽!!



相比同行既人,我真係唔算多汗,但已經比平時好好多啦...
焗完可以改善冷寒症狀,將皮脂線下既油脂及毒素溶解,再經汗水同毛孔排出
稱為【良質汗】,係唔會帶異味同清爽不黏膩既..
因此我亦無需沖身,只要輕印就可以..



回到家中,我仍然有出汗既情況,真係平時好少有..
不過只做一次改善唔算好明顯,磅數、體脂都係差不多,但肌膚係乾淨平滑O左..
而我既新陳代榭率原來不錯,只係真的太重啦,測出身體年齡不輕囉!!

最重要係佢原來對健康有非常顯著療效...
所以唔止年青女性,其實上年紀有需要既都好適合使用..

現時試做價只要$168,可以同親友一齊試下^^
http://www.facebook.com/thehealingspa
http://www.thehealingspa.com.hk/

一滴青春力量。一顆高科技珍珠@LANCOME GENIFIQUE YEUX LIGHT-PERAL

 

LANCOME自從推出GENIFIQUE嫩肌活膚精華露後,不單止改變現今既護膚標準概念..
亦因為成功創造出突破性先進配方而廣受好評,更得到100項國際殊榮添!!
不過團隊並不滿足於此,仍繼續研發GENIFIQUE系列..



為O左徹底解決眼周肌膚各種問題,今年LANCOME就研發出眼部專用既..
GENIFIQUE YEUX LIGHT-PEARL
$520/30ML

含有專利雙重活性成份,令肌膚回復青春..
加入咖啡因、七葉素和綠球藻萃取物,針對改善浮腫、黑眼團和暗沉等眼周肌問題..
特別設計的突破性不鏽鋼珍珠型塗棒【LIGHT-PERAL】,可作50度旋轉..
配合使用,有效促進肌膚放鬆和充電,特製尺寸,能觸及各微細部位..


精華素為水質GEL狀,延伸力非常好..
迅速被皮膚吸收,感覺清爽..



珍珠型鋼頭接觸皮膚會感覺涼涼的,幾舒服..
簡單的可於眼周打圈按摩,但想針對不同問題,可參照下列各種方法:



左上: 每天360度按摩,在眼睛上下方各自來回按摩
左下: 針對細紋及疲勞,將棒頭按住皺紋一端,沿皺紋來回輕輕撫平
右上: 針對黑眼圈和浮腫,在眼底進行細密打圈,由內側眼角按至眼尾
右下: 放鬆眼周肌膚及回復活力,將棒頭按摩穴位


以棒頭塗抹精華及按摩後,改由雙手再輕輕按至完全吸收..
最後可以搽上自己用開既眼霜即可..

每天早晚用上整整兩星期,雖然唔係次次都咁有心機慢慢按摩:P
不過本身鋼珠棒頭可轉動既設計,塗抹時已經有輕微按摩/冰涼作用,感覺舒服..
可繼續使用本身既眼部護理產品,只要搽上當打底之用,實在係好方便!!!

使用時間唔算長,雖然眼圈改善不大(因為我成日都唔夠瞓>_<)
但緊緻去浮腫方面真的頗不錯,眼周乾燥感、細紋都有減少..
最特別之處係佢有均勻眼白既功效,睇下相用後真係白O左D喎!!

即日起於各大專門店/專櫃有售http://www.lancome.com.hk
http://www.facebook.com/lancomehk

推介敏感肌美白護理@RX BEAUTY科研美白活化療程

 

一向好注重面部肌膚護理,日子有功下,終算KEEP得不錯..
早前到專櫃進行SKIN TEST,都有4D既成績,咁差1D係咩呢??就係斑點問題啦!!!
近年開始面頰位浮現出不少既啡斑,相信係以前年青時無做好防曬而成..
偏偏我又係敏感肌,唔係所有美白去斑產品都可以用,所以最後選擇到專業護理既美容院進行療程..


今次去既係位於尖沙咀既RX MEDICAL SPA

裝潢帶有宮廷典雅風格,而所有房間都需要經櫃檯側門而入,以保證私隱度..


房間乾淨整潔,而且頗為寬敞..


所有療程都係用上集團獨家代理既瑞士DOCTOR COLLECTION PLUS..
1) 卸妝、清潔

2) PEELING敷上數分鐘後,加水進行輕柔磨砂.
美容師好細心,幫我避開易敏感既面頰位置..
3) 修眉、針清因為鼻周微絲血管多,所以我一向都唔做針清..
4) 美白導入搽上美白精華,用冷凍嫩膚儀進行導入,感覺涼涼地幾舒服..


5) 按摩導入後將餘下精華以人手按摩,我最鐘意呢PART!!!
6) MASK搽上打底後,敷上軟膜..
7) 眼、面霜最後搽上保養品就完成..

整個療程約75分鐘

老實講,只做一次要去晒所有斑係無可能既事,激光都要進行幾次先得啦..
不過斑點色素係淡O左,而且面頰肌膚乾燥問題都有明顯改善..
感覺水份同彈性增加,最重要係我完全無過敏不適..
相信大家都可以放心去試下..
http://www.rxbeauty.com.hk
http://www.facebook.com/rxbeautyandmedicalgroup