Pinksheeb Is Sandra

2011年7月19日星期二

學做大眼妹(上): GEO可可愛美人(灰)

女人都係貪心既,雖則我對眼唔算細,但係若果仲可以大D靚D既話,相信唔會有人SAY NO;講緊既唔係去做整容手術整大對眼,而係獻出我既第一次試玩大眼仔COLOR CON....

O係網上店訂番黎既韓國品牌GEO COLOR CON,每對都附上一個CON CASE...

佢地網址仲有教點分真假貨O架!!!對眼咁重要,當然唔好搏黎買假野戴啦...

揭起金屬蓋之後,再開埋密封膠塞就見到對CON啦..

要倒晒樽入面D水,再用CON水捽10-15秒,最後用CON水浸至少6小時就可以用啦..

想分面同底其實都好容易,顏色較鮮艷既係面,較暗色既係底,即係接近眼球O個面...

素眼雖然都唔算細,不過戴O左可可愛美人(灰)WT-C25真係SHARP好多,細心睇佢仲有花花圖案,好特別,其實化淡妝已經好靚好有神,如果有場合去既就可以戴埋假眼睫毛....

只係搽O左粉同畫眉,戴O左大眼仔真係精神D...

化埋淡妝,其實已經好夠,對眼好似漫畫公仔呀!!!!!

再戴埋假眼睫毛,對眼真係大到爆,效果係平時點化妝都做唔到!!!

有O左佢,化淡妝已經好靚,雖然對GEO COLOR CON戴得好舒服,不過戴既時間最好O係6-8小時之內,靚之餘都要保持雙眼健康O架!!!下次我會試戴埋另一對CAFE系列,有興趣就要留意啦^^

http://www.pinkicon.com/

2011年7月18日星期一

超豪享受(一): 24K GOLD EYE SERUM

早前好多BLOGGERS分享既金萡護膚品,講真我係好有衝動想去敗舊金萡梘黎試,但我屋企實在有太多CLEANSER,加上佢其他產品又好貴下,所以唯有轉移目標去同樣都有金萡成份既開架品牌--DR. SWISS 24K GOLD系列啦..

BB EYE GOLD SERUM $260/15ML @ MANNINGS

可以去乾紋同FIRMING O岩晒我...

包裝好衛生,每次用時先開封樽口,再將全新既吸管插入即可..

質地係稀身既GEL狀,淡黃色帶有一點點金萡,推開按摩時金萡會被皮膚即時吸收,觸感清爽柔滑...

最近好疲累所以雙眼都好攰,黑眼圈同乾紋都出現晒,用上一段時間,雖然黑眼圈都仲係差不多,但感覺緊緻一D,同埋乾紋少O左,望落比較精神...

除O左可以就咁搽之外,仲可以用黎敷EYE MASK時作打底之用,我會搽上薄薄一層,再敷上果凍狀GEL MASK,等10-15分鐘後輕輕按摩即可,係個急救既好方法..

相比起市面有金萡成份既產品,尤其係EYE PRODUCT,佢呢個價錢真係十分吸引,而且質素唔差;不過佢始終係SERUM,之後一定要搽上EYE CREAM/GEL作滋潤O架^^

http://www.drswiss.net/

2011年7月15日星期五

ZENSES柔韌新選擇^^

現時屋企大部份日用品都係由我負責搜購,基本上除O左一向用開既品牌同產品之外,我都好鐘意嘗試新野;咁O岩最近屋企既盒裝紙巾就用晒,見到呢隻ZENSES鮮橙色既包裝幾特別,又同平時買開既價錢差不多,就買PACK黎試下..

ZENSES 盒裝紙巾 $26.9/4盒裝

佢真係比我用開既盒裝紙巾厚身好多,一對比就知道...

濕O左水再拉扯都只係爛O左少少,果然係好堅韌...

原來佢係有三層,吸水力真係好D,同樣咁多水滴落去,ZENSES只係好細撻咋;平時我化妝好多時都要用TISSUE,冇咁易爛真係可以用少幾張..

見到佢咁OK,於是我之後仲去買埋佢出既包裝紙巾...

佢既紙質比盒裝仲厚身,有四層O架!!!!

包裝TISSUE我多數外出用黎抹咀同吸面油補妝,有清新白蘭花香味夏天用好醒神,而且佢吸油力真係超得,一陣就印走晒,睇下幾乾爽???四層果然係勁好多..

做個精明既消費者,你應該識揀啦...^^

2011年7月14日星期四

炎夏KOTEX限量花漾感受

香港夏天又濕又熱,但女士們每個月仍要有幾日忍受經期之苦,撇除經痛等等不適,單係咁既天氣加上衛生巾貼住皮膚,其實並不算好受;所以KOTEX今季搞搞新意思,推出黑色包裝既限量版日用衛生巾,3款不同花花圖案同棉面設計,令你用得乾爽舒服同時增添視覺享受...

為O左切合花漾多色主題,上星期O係天后POPaART畫室舉行KOTEX新品介紹同齊齊ART JAMMING...

首先同大家玩一個小測試,各自選擇喜愛圖案,原來圖案既顏色係顯示出你個人性格特質O架....

而KOTEX限量版花漾設計棉面日用超薄衛生巾就用上多樣不同顏色,分別有橙色紅色伸延既花、藍色綠色配上紅色既花同紫色藍色心心圖案,實物比較粉色,我覺得都幾美觀,O個幾日更換時望下都開心D嘛!!!!

介紹完之後,就到我地ART JAMMING既時間,因為O個日我身體不適,個腦係空白一遍,所以只係抄人地牆身有既圖畫就算,HAHAH....都算呃得下人:P

臨走每人除O左有限量版衛生巾之外,仲有經期時大家都愛吃既朱古力,真係好貼心!!

我仲當晚開O左黎用添(因為咁O岩有需要,HHA..),棉面設計比平時用開網面更舒服,對肌膚磨擦比較少,而且中間係特別厚身,吸水力特別好,咁就唔怕會整污漕啦!!有興趣就去各大超市同個人護理店選購啦^^

2011年7月13日星期三

痘痘BYE BYE@ORIGINS

雖然我已經距離青春期有一段時間,不過並唔代表我唔會生暗瘡,相反我自廿多歲之後常常有生理瘡既困擾,O係下巴位置每月經期前都一定出粒粒;但我又係過敏膚質,面部皮膚都幾薄,所以選擇暗瘡產品我係絕對有要求...

ORIGINS SPOT REMOVER

特效暗瘡療液

$130/10ML

全新研製的特強配方,抗暗瘡效果更勝一籌;只需薄薄點於患處,即有效迅速減輕皮膚紅腫、消炎殺菌,並有效收細患處的毛孔,兼具紓緩修護功效。升級配方更有效令痊癒後的暗瘡不留痕跡,預防因暗瘡留痕而導致色素沉澱,形成色斑,同時一併趕走舊患的印痕,集預防、治療、修護於一身,是急救痘痘的SOS!!

透明稀身GEL狀,有少少攻鼻既味道,但一陣就會散走..

樽口細細,每次用棉花取出適當份量便可,一般吱一下已經足夠..

試用時正值經期前,加上身體狀況不太好,下巴出O左唔少粒粒同有濃既瘡..

一日早晚搽2-3次,搽完有D涼涼地,但如果有傷口都會感覺輕微刺痛,用完好似有層膜包住咁,所以如果朝早要化妝既話,我就唔建議搽太多或者可以只夜晚用,因為上粉後會有白色屑屑情況出現O架....

至於消痘方面,細粒既1-2日已經平晒,過多幾日仲冇埋印添!!!不過大粒D有濃既,就可能要3-4日先見效,但過O左1個星期時間,竟然係消到連痕跡都唔見,好勁呀!!!最重要係唔會敏感同甩皮,因為我日日都要化妝嘛,甩皮係好麻煩既事黎..

唔好以為佢1枝得10ML咁少,我成日搽用O左2星期左右都係用O左1/10咋,買定放O係屋企看門口都唔錯...^^

http://www.origins.hk/

2011年7月12日星期二

不知不覺修O左你...

節食、運動係減肥修身既不二法門,不過懶過鬼又日日坐O係張OFFICE椅唔願郁既我,當然係鐘情於不勞而穫既減肥方法啦;如果話你知有隻CREAM晚晚按完去瞓,就可以不知不覺將難瘦既臀腹位FIRM晒,你都一定心郁郁想試下..

COLLISTAR INTENSIVE ABDOMEN AND HIP TREATMENT NIGHT

晚間臀腹緊緻霜

$420/250ML@莎莎

採用幹細胞原理,含豐富咖啡酸的紫錐花幹細胞不但能有效分解脂肪、減少皮下脂肪積聚,更可以防些膠原蛋白分解,排水消腫。再配合頂尖科技研製而成的Micro-Patch®,能夠留住活性成分,傳送有效成份至肌膚底層,並於晚間漫漫釋放,形成一層透明膜包裹著身體,從而有效重塑誘人曲線。用後肌膚更顯光滑細緻,身體線條更纖幼、緊實....