HEROINE MAKE MASCARA

油眼人既我,近年開始發現,唔係所有WATERPROOF MASCARA都O岩用,佢地雖然真係好防水,甚至去游水都可以,但就唔防溶,只要我有眼油出,就好易甩,尤其眼尾位化晒添,而且有部份WATERPROOF效果好好既MASCARA超難卸,唔想增加眼紋同眼皮變鬆既危機,都係及早搵隻易卸又防溶既MASCARA好D啦...

HEROINE MAKE MASCARA其實已經有好多人推介過,係平靚正之選,所以我一拎到當然要試下啦,橫掂我日日都要搽MASCARA既..

HEROINE MAKE 濃密捲曲睫毛液 $59

--特強防水,如眼水,汗水及油脂,持久保持美麗..

--配合塑造捲曲聚合物,長久維持睫毛捲曲的美態..

--睫毛液含有極細纖維,緊密貼著睫毛,令睫毛濃密而不黏著一起...

佢個掃頭好特別,頭尾係大D,中間係凹入去O架,可以增加濃密效果..

我D EYELASH真係短得可憐,又唔密喎,所以你話點可以唔用MASCARA先得..

上圖我只係搽O左一層咋,唔使我講你都見佢效果幾好O架啦,EYELASH即時長O左好多,亦都幾濃密,我有搽完MASCARA再用電睫毛器既習慣,不過唔係隻隻MASCARA都可以咁用,有D一用電睫毛器,EYELASH上既MASCARA會冇晒O架,但呢隻完全唔會,電完仲好翹好長...

再黎比個正面睇下先,搽完對眼精靈好多O架,而且佢真係防溶效果幾好,搽足成日,只係到放工時眼角有少少甩咋,但一D都唔嚴重,用TISSUE輕輕一抹就OK,最重要係佢超易卸,咁日日用都唔怕拉扯到眼周皮膚啦...

是日試用: SOLONE防水眼線膠筆.

拖O左成個月既SOLONE EYELINER文終於記得出啦,其實我買O左之後,幾乎日日都用,已經代替O左我枝ESTEE LAUDER成為新寵,可想而知佢幾好用..

搽上眼好SMOOTH,可以一筆過而且好顯色...

我仲用O左佢同MAC枝GREASEPAINT STICK做比較,大家都知佢係好防水防溶O架啦,只要一比就知掂唔掂..

搽上手當然MAC係最實色,不過其實SOLONE上O左眼都好明顯,你睇我試上眼幅圖就知啦,用手一摔開,竟然係MAC拖開晒BOR,SOLONE幾乎冇甩過...

之後用CREAM搽上去試,因為我覺得用OIL就一定甩O架啦,唔係點用OIL卸妝係咪,用CREAM試就會比較O岩D..

搽CREAM用手捽,基本上全部都冇點甩過,再用TISSUE一抹,就甩好多啦,MAC果然係MAC,都算仲有個色見到,SOLONE就淡晒LU,不過都仲見到少少痕跡,唔係甩到咩都冇..

         

                                     SOLONE                                            MAC

易畫度                        ****                                                    *****

防溶                            ***                                                      ****

抵買度                        ****                                                    ***

總分                            ***1/2                                                 ****

SOLONE其實以咁平既價錢黎講,我覺得已經幾好,雖然佢冇大家講到咁防溶,因為以我對眼咁油,食LUNCH時其實都已然有少少甩,但因為都幾顯色既關係,所以條眼線仲係好明顯,到放工都仲O係度,只係淺色一D..

佢有8隻色,$39@天使.我仲想買埋佢枝閃藍,但大家要注意,佢有閃粉既EYELINER係會軟身一D既..

http://www.vickybeautynet.com/index.php?main_page=index&cPath=53&zenid=2602c8a31de592e12116cde3f5df06d6

KONAD印甲第二十九回--聖誕甲

之前萬聖節因為實在太忙,所以見到JACKIE整O左個好靚既萬聖甲都只得個恨字,黎緊下個月就係聖誕節啦,最近又得閑一D,所以整個聖誕甲提早應下節先..

今次主要用紅色銀色,仲有加閃粉甲油同閃石...

油O左個底色先,再加橫間...

我想整左下角個甲O架,不過人地係畫我係印,而且我D甲好短,所以唔係幾似,HAH..

因為今次個甲比較簡單,所以左右手都整得幾對稱...

完成品: 真係幾有聖誕FEEL~~~

打造順滑髮質超EASY~~

早前得到LUCIDO-L最新出2枝透明質酸美髮用品,O係EVENT上面已經即時試過枝SPRAY,頭髮真係順滑好多,所以返到屋企,當然要2樣都試晒啦...

LUCIDO-L透明質酸美髮精華液 $59/100G

--配合了高分子和低分子兩種不同大小的透明質酸

低分子「浸透型透明質酸」能滲入頭髮底層,補充水分..

高分子「皮膜型透明質酸」於頭髮表面形成保護膜,令頭髮觸感柔軟順滑..

--充份滋潤頭髮卻不黏膩,清爽和滋潤的平衡恰到好處..

--特強滋潤塗層,可以集中補濕,修補受損頭髮(如在晚上使用,於睡眠期間更可以不停為頭髮補水)..

--乳液狀質地容易均勻塗抹到頭髮上,用後清爽不黏膩...

ESSENCE係半透明GEL狀,我頭髮都算長,但只要2泵已經足夠,而且搽完雙手唔會留有黏笠感覺,真係被頭髮吸收晒,不留痕跡O架..

洗完頭半乾既時候或者朝早噴濕少少個頭先用,搽完等佢自然乾就可以,如果趕時間都可以用風筒吹乾既,唔會影響效果...

頭髮完全乾透後,真係好順滑,尤其髮尾,明顯冇咁乾..

LUCIDO-L透明質酸美髮噴霧 $39.9/250ML

--配合了高分子和低分子兩種不同大小的透明質酸..

低分子「浸透型透明質酸」能滲入頭髮底層,補充水分..

高分子「皮膜型透明質酸」於頭髮表面形成保護膜,令頭髮觸感柔軟順滑..

--充份滋潤頭髮卻不黏膩,清爽和滋潤的平衡恰到好處..

--水分迅速滲透,防止頭髮因乾燥而受損,令頭髮柔軟順滑..

--迅速撫平凌亂髮絲及外翹頭髮..

--使用後可長時間保持頭髮水潤順滑..

SPRAY係透明水狀,全頭噴都冇問題,唔會令頭髮變塌,乾後好清爽..

佢唔同ESSENCE,係要頭髮乾既時候用,所以我多數朝早瞓醒噴,有時乾燥一起身個頭好毛燥,我會噴6-7下甚至更多,直至覺得貼服為止,因為佢好清爽又唔笠,所以噴幾多都得,好O岩香港天氣用..

各大WATSONS,MANNINGS,CITYSUPER,LOG-ON有售

http://www.lucido-l.hk/index.php

BB卸妝水: 一抹乾淨又保濕

仲記得上月底我去O左BIOLANE X JANICE LAM EVENT嗎??O係活動上面我對枝BB卸妝水最有興趣,因為試過上手真係好保濕又抹得乾淨,對於最近轉季變得極乾既皮膚真係最適合不過,所以當晚拎到番屋企,我已經即刻開黎用啦...

BIOLANE H2O CLEANSER AND MOISTURIZER

BIOLANE 寶寶純水滋潤潔膚露 $118/400ML

潔膚與滋潤功效二合一,蘊含專利成分Hydra-bleine ®,適合早晚潔面時使用,溫和的卸除面上淡妝,更適用於清潔身體任何部位,包括手腳等脆弱位置,大大減少水分流失,舒緩肌膚乾燥問題,用後肌膚長時間保持潤澤感覺...

有別於一般卸妝水既設計,突出既樽口可以集中倒於化妝棉上,唔怕倒得太多,造成浪費,只要向右一擰就係開,向左一擰就係閂,方便又衛生...

倒於化妝棉上,只要輕輕抹一下,已經可以卸除8成粉底,為O左再測試下佢既清潔力,我用O左CLEANSING OIL同BIOLANE卸妝水做個比較..

CLEANSING OIL抹一下,手背上既EYELINER仲好明顯,而MASCARA去O左6成到,加水按摩乳化之後,先可以完全卸乾淨...

BIOLANE卸妝水抹一下,EYELINER同MASCARA已經卸走至少8成,再抹多下已經冇晒好乾淨,比CLEANSING OIL方便得多..

最重要既係,皮膚O係使用CLEANSING OIL同BIOLANE卸妝水之後有明顯分別...

使用CLEANSING OIL後:                               使用BIOLANE卸妝水後:

MOIST: -1                                                         MOIST: 3

OIL: 0                                                                OIL: 5

SOFT: -1                                                           SOFT: 3

睇圖都可以見到,皮膚O係用完BIOLANE卸妝水之後,好有光澤又飽滿,證明水份同滋潤感十足;相反用完CLEANSING OIL之後,就比較乾啦...

卸妝水因為唔需要過水夠方便,所以我都有買過另一個牌子用,不過每次要成5-6張COTTON PAD先可以落晒成個妝,需時耐,對皮膚既磨擦又多,有時抹完塊面紅晒O架,仲好乾添.所以之後我都係重回CLEANSING OIL既懷抱..

但最近天氣乾燥,用CLEANSING OIL始終要過水,皮膚經過卸妝同清潔之後,水份流失得好快,而BIOLANE BB卸妝水就可以一次過解決呢幾個問題喇;佢清潔力十分好,比得上CLEANSING OIL甚至更乾淨添,一般2-3張COTTON PAD已經可以卸晒全個妝,亦因為佢連BB都用得,所以好溫和,唔會造成皮膚過敏同紅腫,而當中既水解蛋白成份,更加可以將水份鎖住,令皮膚保濕同時滋潤..

1枝BIOLANE卸妝水有成400ML,但價錢同一般開架品牌差不多,實在係抵用,O係秋冬時份,係時候要買枝對皮膚好D既卸妝品啦...

銷售點:

各大屈臣氏,卓悅(部份),CITYSUPER(沙田),健怡坊(部分)

http://www.biolane.hk

獨特香薰味道: CAUDALIE BEAUTY ELIXIR

自少都唔太鐘意濃烈既香味,唯獨是香薰既味道,我接受能力好高,好多人覺得唔多好聞既木系香薰,我反而最鐘意添,所以基本上所有香薰SKINCARE,都係我心頭好..

法國品牌CAUDALIE O係好多年前已經開始接觸,當時第一樣使用既就係呢枝BEAUTY ELIXIR,獨特既香薰味道,令我一試已經愛上...

CAUDALIE BEAUTY ELIXIR 葡萄籽活性爽膚水

$148/30ML,$432/100ML@SASA

葡萄籽活性爽膚水來自17世紀匈牙利皇后保持青春的秘訣配方,內含迷迭香精油和玫瑰萃取物,散發陣陣清新的提神香氣,而且更能保濕肌膚,達收歛毛孔之效,用後可使肌膚回復光澤;加上橙花水可強化保濕及維持肌膚水嫩幼滑,不但可作妝前打底使用,妝後使用更有定妝及保濕的功能...

使用方法: 將上層香薰油與葡萄水搖勻後,(閉上眼睛)均勻噴於面部,輕拍至完全吸收..

玻璃樽身既ELIXIR,噴咀細細但噴出範圍頗大,全面通常噴2-3下已經足夠;雖然有香薰油成份,不過由於比例唔多,所以噴上面只會聞到陣陣香薰味道,而冇半點油膩感覺..

只係用O左2個星期,我已經用O左1/3啦,可想而知我幾鐘意....

1. 剛噴上面..

2. 10秒之後..

3. 約1分鐘後..

ELIXIR本身有薄荷成份,所以噴完面部肌膚會感覺到涼涼地,其香薰成份有同時收歛同保濕既功效,加上成枝都係用葡萄水做基底,就更加純淨天然,敏感皮膚特別適用...

因為係噴霧狀而且感覺清涼,所以春夏潮濕又悶熱時,可以用黎代替TONER使用,仲可以收細毛孔添;不過而家入秋之後,我皮膚變得比較乾,當TONER用就略嫌唔夠,但作妝前妝後保濕定妝就VERY GOOD啦,有時化O左妝O係OFFICE太乾,補妝前噴下都唔錯..

而且我太鐘意佢個味道,每晚瞓覺之前同朝早起身都會噴下,聞住陣味個人寧捨開心D,HAHAH..

LUV BERRY X LANEIGE MULTIBERRY YOGURT

呢個公仔係咪好CUTIE呢???

佢個名叫LUVLUVPIG,我相信唔少人都見過佢,因為佢同唔少單位都合作過...

今次就輪到同LANEIGE新推出既MULTIBERRY YOGURT系列黎個CROSSOVER,化身做LUV BERRY FIGURE...

LANEIGE MULTIBERRY YOGURT系列發佈會上,周圍都發現到LUV BERRY蹤影...

一開始由LANEIGE代表介紹下今次發佈會...

之後就到陳法拉小姐分享下使用MULTIBERRY YOGURT系列既心得..

仲即場用新鮮既士多啤梨同藍莓為蛋糕佈置...

LUV BERRY咁得意,當然要拎埋MULTIBERRY YOGURT系列黎個合照啦..

每人仲有新品既MULTIBERRY YOGURT PEELING GEL同REPAIR PACK試用添..

P.S. 如果你都想拎隻咁得意既LUV BERRY返屋企,用50 POINTS積分就可以啦,限量100隻咋...

http://www.laneige.com.hk/

http://www.facebook.com/luvluvpig?ref=ts&v=app_10467688569#!/luvluvpig