SHU URMURA X KARL LAGERFELD 聖誕彩妝系列。可愛MON SHU GIRL封面。限量版眼影胭脂彩妝盒(波爾多醉紫)

 

臨近年底又係各個美容化妝品牌推出限量產品、套裝既時候...
個人推荐今年必搶SHU UEMURA X KARL LAGERFELD聖誕彩妝系列..
老佛爺大師級設計加上本身品牌產品質量高,作為用家或者FANS收藏都係不二之選..



整個系列共有17件單品,每件產品均印有由KARL LAGERFELD親手打造既MON SHU GIRL..



SHU UEMURA X KARL LAGERFELD EYE SHADOW/BLUSH FACE COLOR
限量版眼影胭脂彩妝盒(波多爾醉紫) $530


靈感來自KARL骨子裡的醉人浪漫,將波爾多的醉紫色凝聚呈現於彩妝盒內..
配合秋冬大熱眼影色系,閃鑽金啡、珍珠紫、溫柔啡、閃金棕及珊瑚紅胭脂,打造迷人妝容..


顏色配搭充滿秋冬感覺..
閃粉夠幼細,所以唔會一大片閃得太誇張..
顯色度高,而且粉質好貼肌膚,唔會有飛粉既情況..


閃啡系眼妝..
用上盒內2格啡色同1格閃金,EARTH TONE淡淡妝容..
屬於百搭色系,令雙眼低調有神彩..

閃紫系眼妝..
用上盒內2格紫色同1格閃金,造出輕量級SMOKY EYES..
對於平時少用紫色既我,呢個色出黎既效果好靚,雙眼即時深邃得多..

有重要場合或者PARTY,就可以用上盒內5格眼影..
前半係紫系,後半用上啡系,造出有層次既漸變效果,但又好MATCH..


胭脂色偏紅,我皮膚比較白,要輕手逐少咁上,效果就會比較自然..

全系列各大SHU UEMURA專門店/專櫃有售
P.S. 即日至11月11日到FACES及時代廣場SHU URMURA X KARL LAGERFELD聖誕彩妝美姸聚..
 只需購物滿HK$1,280,即可獲贈限量版MON SHU GIRL TOTE BAG,有興趣就去睇下啦^^

http://www.facebook.com/shuuemura.hk

加拿大全新品牌RACINNE: 平價高效產品分享

 

上月中受到邀請可以出席加國新品牌RACINNE BLOGGERS' EVENT..
席間除O左有機會試盡各系列產品之外,品牌代表亦都有講解到未來既方向同發展..
見到出年會出抗敏系列真的非常感興趣,皆因近年受盡過敏問題困擾呀!!!
而RACINNE所有產品都以天然材料生產,不易致敏^^



活動中都重點介紹水潤盈肌修護系列及全能水漾亮白系列..
所以我亦收到每個系列各一件產品去試用..


RACINNE ULTIMATE AQUA BLANC BOOST
全能水漾亮白乳液 $290/50ML

蘊含雪蓮幹細胞萃取和青瓜精華,結合補濕美白活性成份..
重點減褪黑色素,有效滋潤肌膚,同時強化肌膚細胞..
配方亦能為肌底注入水分,形成天然保護屏障,防止水分流失..


白地CREAM狀質地,頗豐盈水潤,帶有淡淡香味..
非常易推開,但需要按摩一陣先會吸收晒..
用後感覺滋潤,而且有光澤..


打破美白產品一般較乾既舊有概念,佢O係滋潤度方面做得非常好..
一年四季都需要美白既SIS,今個秋冬有O左佢就搞掂晒..
用後肌膚即時柔軟番,亦都無敏感,只係用既時間唔長,美白效果唔太明顯..



RACINNE CONTOUR BRIGHTENING EYE CARE
水潤盈肌高效亮麗眼霜 $170/10ML

蘊含具天然抗氧化及再生功效的香矛精華和葡萄籽幹細胞萃取..
加強保護眼部脆弱肌膚,提升眼部輪廓,促進眼周血液循環,減褪黑眼圈與舒緩浮腫..


樽口設計幾特別,可以吱出準確份量,亦都較衛生..
眼霜係杰身GEL狀,推開吸收得幾快,肌膚有點霧面感覺..



眼周肌膚一向比較乾,近排濕度咁低就更加嚴重添..
GEL狀質地初初都擔心唔夠潤,不過只要搽多少少份量又OK喎..
保濕鎖水方面表現不錯,乾紋都有D改善,價格咁便宜既眼霜真係試得過..

RACINNE產品現時可用郵購方式或親臨選購..
(11月22日前訂購任何產品,更可獲3個系列全線試用裝)
香港上環輔道中26號盤谷銀行大廈17樓
電話: 2536-0318
info@seaubeauty.com

品牌最新動向及資料:http://www.facebook.com/racinnehk

http://www.youtube.com/watch?v=XF-Y23lJiOc

走進奇幻秘密花園。感受獨有芳香味道@BALENCIAGA FLORABOTANICA

 

世界上花既品種多不勝數,有鮮艷亮麗、氣質高雅、味道芳香、甚至帶有劇毒..
法國時尚品牌BALENCIAGA就以此為概念,打造出一個擁有獨特異國植物既秘密花園..
推出全新香氛--FLORABONTANICA


充滿著不同既花卉圖案,但花朵既不浪漫亦不迷人...
而係充滿著神秘魅力,令你不自覺被吸引其中..



靈感黎自數年前設計師NICOLAS GHESQUIERE 【花卉系列】既延續..
並由荷里活女星KRISTEN STEWART親身演繹,美麗純淨又帶有野性既獨特個性..



貫徹品牌雙重特質既精神,新香氛盒子包裝質樽身既設計..
亦都繼續游走簡潔與神秘之間既矛盾,融會經典風格及實驗精神..



首先吸睛既花卉圖案外盒,打開後意想不到地樽身會以黑白條紋為主..
呼應CRISTOBAL BALENCIAGA經典設計,以及NICOLAS GHESQUIERE現代剪裁風格..
外表神秘內裡簡潔,加上樽身設計有點高低不一,更能體現其視覺效果..



香氛由兩位國際知名調香師OLIVIER POLGE及JEAN-CHRISTOPHE HERAULT合作而成..
混合岩蘭草、琥珀及彩葉芋,營造出充滿神秘感既香氣..
配上玫瑰(虛擬混種玫瑰)、康乃馨及薄荷,彌漫著少女既清新芳香..



前調味道清新,中調開始較甜同花香味濃郁一點,後調就帶有陣陣沉木香味..
持久度非常好,噴1-2下已經可以KEEP到大半日..



相比之前推出既兩枝香氛,FLORABOTONICA味道真係較為容易被亞洲人接受..清新而帶點甜味,不太濃烈甚討人歡喜..

淡香精 $605/30ML $860/50ML $1,145/100ML
香氛潤膚乳液 $530/200ML
香氛沐浴啫喱 $425/200ML

即日至11月11日率先於連卡佛(時代廣場、廣東道、國際金融中心)及
BALENCIAGA BOUTIQUE(置地廣場、海港城、太古廣場、圓方)發售

11月12日起於SOGO(銅鑼灣)、HARVEY NICHOLS(置地廣場、太古廣場)及朗豪坊西武發售

O係冬天穿上厚厚大亦衣之際,噴上一點個人喜愛既香氛
整日都散發出愉悅既心情^^

黃金導入+醫學保濕@DR. SWISS新品: SUPER B5 MOIST GOLD SERUM

 

還未正式步入冬天,肌膚已經乾燥到不得了...
一直以為自己皮膚只係混合性偏乾,原來轉季之後已經變成乾性肌啦...
怪不得保濕產品用量勁O左咁多,即刻開枝DR. SWISS新品為肌膚止止渴先..



DR. SWISS SUPER B5 MOIST GOLD SERUM
水極B5保濕金箔原液
$260/14.8ML (推廣價$169)


以24K矜貴純金,將豐富維他命B5及NASHA級透明質酸等醫學保濕因子..
源源導入缺水肌底,配合諾貝爾EGF及多肽,有效修復受損細胞,重建鎖水屏障..
撫平及預防乾紋,使肌膚回復水嫩彈性,成就亮澤雪肌..


吸管裝較為方便衛生,容易預計每次所需用量..
原液質地為白色LOTION狀,帶有點點金箔,推開後變得比較水..



其實每次用一至泵半既份量已經夠,不過偶爾遇上肌膚較乾既日子..
就會搽到圖中咁多,之後再加以按摩直至被皮膚完全吸收..

有點似TREATMENT既作用,皮膚會即時飲飽水,非常有光澤感..



日常使用一段時間,乾燥感同乾紋亦會相對減少..
最鐘意佢補水得黎亦有一定既滋潤感,秋冬時候特別O岩用..
只係用得比較快,一枝約一個月就會用完^^

P.S. 好在而家仲有推廣價,萬寧今日仲有最後一天送$50 COUPON優惠..
姊妹們係時候去入貨啦,GOGOGO....
http://www.facebook.com/DrSwiss.hk
http://www.drswiss.net/

擺脫稀疏纖幼髮質: LOREAL PROFESSIONNEL家用保養喚髮療程

 

早前到專業頭髮護理中心做過HAIR TEST,檢驗出雖然現時無脫髮跡象..
但頭頂分界位已經開始有點稀疏,加上毛囊附近被油脂包圍著,實在係好嚇人...
所以回到家中即時轉換用開既洗髮用品,使用有抗脫髮功效既希望可以改善一下髮質..



LOREAL PROFESSIONNEL家用保養喚髮療程


LOREAL PROFESSIONNEL DENSITY ADVANCED SHAMPOO
喚髮雙效洗髮露 $128/250ML

提升頭髮洗密度和韌度,效果持久
洗髮露係透明GEL狀,非常易起泡,而且有陣陣薄荷味道..
用完之後亦感覺到有D涼涼地,頭皮好乾淨,但頭髮仍然順滑易梳..



LOREAL PROFESSIONNEL TRINICAL
三重激活喚髮噴霧 $200/125ML

促進髮根血液循環,改善頭髮生長周期
噴咀夠集中,容易噴到想要既位置..
噴霧有淡淡香味,質地水狀但唔笠,易於被吸收..



早晚於頭乾髮(或抹乾頭皮)時使用,噴於頭皮5個位置上(好似五筒咁)即可..
日頭使用輕按就可以,晚上就要配合特別既按摩手法..



1) 由上而下按摩額角兩側
2) 於太陽穴加以按壓
3) 用掌心輕按前額
4) 輕扣雙手,運用掌心力量,於頸背較上位置由下而上按摩
用O左約兩星期時間,因為我係每日都洗頭,所以日日都用..
非常鐘意枝洗髮露,用完頭皮乾淨又舒服,而噴霧我多數只會晚上用,因為日頭成日唔記得:P
平時我頭皮好易會痕,因為太乾所以先會出油,用O左噴霧之後情況有改善,頭皮既油脂分泌平衡番..

不過髮質有冇變粗同生多O左又唔太覺,可能用既時間未夠一個生長週期..
其實系列中仲有髮廊專用既精華,情況較嚴重既可能就需要去做專業TREATMENT啦..


服務及售賣點: LOREAL PROFESSIONNEL指定專業髮廊
查詢熱線: (852) 3180-1510http://www.facebook.com/lorealprofessionnelhongkong

在家DIY瘦身療程最終回: TRIPOLLAR POSE RF射頻燃脂機

 

幾乎每晚沖涼後就係我既碌機時間,O係房一整就用上個多小時,屋企人已經見怪不怪LU..
不過日子有功,連平時個個都比佢話肥既阿爸,竟然都同我講覺得我瘦O左..
計起原來都已經用O左有六個星期,係時候分享下我既最終成績!!!



1: 使用前 2: 使用一次後 3: 使用兩星期後 4. 使用六星期後

我個腩真係好勁,直頭可以一層層咁O架!!!
腰圍比之前起碼減O左2吋有多,著番同一條褲都變得鬆動舒服O左...


1: 使用前 2: 使用一次後 3: 使用兩星期後 4. 使用六星期後

腰側既肉係非常難減,因為日常郁動既地方比較少,唔食野都未必瘦到..
尤其我右側就更嚴重,美容師話同我睡姿有D關係喎,所以用呢部機我都勁碌..
雖然手係攰D,但見到舊肉細O左咁多,而且線條平滑番,真係抵晒!!


1: 使用前 2: 使用一次後 3: 使用兩星期後 4. 使用六星期後

左邊腰側其實都幾多肉,但同右邊相比係好少少既..
除O左肉少O左線條明顯收緊之外,其實橙皮紋都有淡到,無咁凹凸不平..


1: 使用前 2: 使用一次後 3: 使用兩星期後 4. 使用六星期後

唔止BYE BYE肉咁簡單,直頭係麒麟臂咁粗,就算著有袖衫都見到好肥..
碌O左之後都減O左有大半吋,感覺無咁鬆弛,緊實O左..

1: 使用前 2: 使用一次後 3: 使用兩星期後 4. 使用六星期後

左臂減既吋數雖然無右邊咁多,但都見到明顯係瘦O左..
後面舊BYE BYE肉有變細O架..

總括而言,呢部TRIPOLLAR POSE RF射頻燃脂機對我黎講係WORK既..
只係你要有恆心比時間用,而且唔好怕攰碌多D一定見到效果..
O係屋企用亦都夠晒方便,想修身話咁易啦^^

http://www.fitboxx.com
http://www.facebook.com/fitboxx

萬寧自家美容品牌ANNECY。ROSEHIP X HA袪印魔法組合

 

話說我早已預先得知萬寧會推出一系列ANNECY美容護理產品..
因為年初時參加過一個FOCUS GROUP,O係不記名既產品測試中,得到同組人一致好評..
最後揭盅竟然係萬寧自家品牌而唔係某某大牌子時,都無不覺得驚訝!!!
所以正式推出市面時點可以唔試下呢..



1。2。3。ROSEHIP X HA 袪印魔法組合

突破雙重透明質酸配方,高低份子透明質酸(HMW-HA+LMW-HA)互相配合..
肌膚表面形成保水膜,加強滲透至底層,內外保水..

萃取源自西班牙的天然玫瑰果油為基底..
 幫助抗氧化,延緩老化,撫平皺紋..


ANNECY SKIN ZERO REPAIRING PEELING GEL
零瑕肌.修護去角質啫喱

--溫和揉除老化角質,幫助吸收護膚精華
--含金縷梅萃取物,有助收細毛孔
--適合使用於面部及頸部


透明GEL狀質地,推開變得偏水,無粒子..


每星期用一至兩次,乾手乾面打圈按摩..
角質較厚既地方如下巴、鼻位及額頭可按耐一點..


本身皮膚較薄易敏感,平時好少做去角質,因為怕刺激到皮膚..
不過呢款按完又OK喎,無敏感,用完膚色仲通透一點,亦都感覺乾淨O左..



ANNECY SKIN ZERO REPAIRING ESSENCE
零瑕肌.特效完美修護精華素

--無色素、無香料、無礦物油
--日間妝前使用,令妝容更貼面持久
--晚間使用急救肌膚,一夜回復狀態

吸管裝方便衛生,精華呈透明GEL狀...
無色無味,易於推開,保濕度不錯..


每次用一泵份量已經足夠全面使用,性質溫和連敏感肌都O岩用..
塗後皮膚有光澤水潤,唯吸收得比較慢,需要按耐少少時間..



ANNECY SKIN ZERO REPAIRING SLEEPING MASK零瑕肌,修護睡眠面膜

--晚間修護黃金時間,源源不絕注入玫瑰果油精華
--促進肌膚保水能力,提升細胞水份及亮澤度
--質地清爽,快速吸收


粉藍色GEL CREAM狀,延伸力非常好..
帶有淡淡海洋香味..

潔面後直接塗用,全面搽上薄薄一層即可,翌日如常清洗乾淨..
皮膚較乾既我,用上份量比較多,不過只要推開後,等一陣就會被皮膚吸收大部份..
平時瞓醒之後皮膚好易因缺水而出油,尤其T-ZONE位,但用O左之後反而無咁多油,亦都無咁乾..
一星期用1-2次就OK,個人而言覺得用太多反而會出粒粒O架!!要注意!!

有興趣既就去萬寧睇下,仲有其他產品O架,下次我要買PAPER MASK試試先..