Pinksheeb Is Sandra

2012年8月8日星期三

LANCOME "THE NEW DIMENSION OF YOUTHFUL EYES" BEAUTY EVENT

上星期正在清假中,正好出席位於中環LHT TOWER既LANCOME新品發佈會..
其實整座大廈裝修過後我都未去過,只有到過樓下既GAP購物..
發覺與舊時面貌真的完全不同呀!!!

收到邀請時因為主題係YOUTHFUL EYES,我以為只係關於新出眼部護膚品..
但原來......仲有其他新品一併發佈O架!!!!

一入門口BAR位置,配上昏暗燈光,我以為去O左PARTY,HHAHA..
其實係由AARON DE MAY設計既2012秋冬彩妝MIDNIGHT ROSES系列..

L'ABSOLU CREME DE MAT ($200)有唇膏既覆蓋度、唇彩既光滑度、以及乳霜質感,共有三種深色系..

VERNIS IN LOVE ($140)分別有強烈既紫色、城市森林既卡其色及經典淡粉米色,帶有絲絨般啞緻質地..

LE REGARD PRO ($390)盒子設計包括三種普遍既啡色,適合所有膚色,附上眉鉗及雙頭眉掃..

BLUSH HIGHLIGHTER --MOONLIGHT ROSE($360)結合綻放亮澤效果既棉花糖質感,印有LANCOME玫瑰浮雕圖案,珍珠閃亮..

同場仲有其他彩妝品,包括:
HYPNOSE BROW SHAPER ($250)、LE CRAYON KHOL ($135)..ETC..
將於8月10日全線發售

即場試玩完最新彩妝之後,進入餐廳就見到今次既重頭戲..
LANCOME GENIFIQUE YEUX LIGHT-PERAL ($520/30ML)
將於8月20日全線發售

面部使用既GENIFIQUE非常好用,相信唔少女士們已經體驗過佢既威力...
今次推出眼部專用GENEFIQUE YEUX,特別配上不鏽鋼珍珠班塗棒..
其冰涼質感有效收緊、舒緩眼周肌膚,而且可作按摩之用..
見到MODEL示範真係好舒服喎!!!

發佈會行程好緊湊,所以主持人同品牌代表都只係作簡單介紹..
留番D時間比我地親身體驗同了解新品..

最後一站係LA VIE EST BELLE香水..

淡粉紅色樽身感覺幽雅,首創以蝴蝶花為主調,配以廣霍香..
帶出清新、沉實芳香、甜美味道,,
分別有兩個SIZE: $550/30ML & $825/50ML
將於9月1日全線發售

見到咁華麗既水晶吊燈,係咪好奇怪佢同LA VIE EST BELLE香水有咩關係??
除O左都係咁ELEGANT之外,其實係品牌將香水倒於吊燈上,只要伸手就會滴落手中..
真係好香好香呀,活動後幾小時都仲KEEP到!!!好想買枝細SIZE用...

活動後除O左每人都會收到1枝GENEFIQUE YEUX外,仲有不同既秋冬彩妝品..

好精緻既匙扣,有LANCOME代表既玫瑰,亦有法國巴黎鐵塔標誌..

L'ABSOLU CREME DE MAT唇彩..

炭灰色眉筆..

玫瑰粉紅色唇膏..
個色真係好靚,所以試完已經比媽媽劫O左!!!

GENIFIQUE YEUX我已經急不及待試用中,想知效果如何,就要留意遲D既分享啦^^

http://www.lancome.com.hk
http://www.facebook.com/lancomehk

2012年8月7日星期二

體驗法國MYTHSCEUTICALS香薰護膚之旅+美國SKINDINAVIA定妝噴霧

曾經有段時間對香薰好沉迷,甚至愛上DIY調配不同產品自用及送贈親友使用添..
鐘意佢成份天然,用法多變,可單獨或者複方使用,亦可混入各種形態既基底上..
不過現時我愈來愈懶,只喜歡用些簡單既處方甚至已經調配好既製成品..

最近就試用法國品牌MYTHSCEUTICALS..

MYTHSCEUTICALS INTENSIVE FRIM-UP & WHITENING ESSENTIAL OIL
提升緊膚美白香薰精油
$190/10ML

能快速提升面部肌肉,收緊面部下巴..
加強皮膚彈性,美白淡化色素,平伏表情紋及皺紋..

有濃郁天竺葵、玫瑰味道..
油狀質地,但易於推開同吸收..

每次用上3-4滴,已經足夠搽面連頸..
我喜歡倒於掌心,輕輕搓暖後印上皮膚,最後再雙手包覆全面.
雖然係油狀,不過搽後被皮膚晒,一D都唔會感到油膩..

用O左個幾星期,皮膚真係有改善..
變得平滑而且無咁乾,斑同印都有淡O左呀!!!

MYTHSCEUTICALS LAVENDER 100% PURE ESSENTIAL OIL
薰衣草精油 $220/10ML

薰衣草係公認既百搭精油,大部份皮膚都可以用到,有消炎淡斑去印功效..
點燃吸入仲可以有鎮靜、放鬆、改善睡眠添..
因為房間唔大,所以我比較喜歡用放於燈罩使用既方法..
只要倒上幾滴,就夠睡前1-2小時用,陣陣香薰味道但唔會好濃郁..

另外仲可以倒1-2滴於紗布包裹按摩香草球..
有放鬆肌肉同舒緩作用..

MYTHSCEUTICALS JOJOBA OIL
可可巴底油 $70/10ML

有良好的滲透性與穩定性,含豐富維他命成份,易被皮膚吸收..
能維持皮膚水潤度,預防皺紋,軟化皮膚..

當然仲可以DIY各種配方..
如果加入精油,以1:8分量同底油溝勻..
亦可加入CREAM/LOTION中使用,視乎皮膚需要..
JOJOBA OIL係最常用亦係護膚功效較好既一款底油,滋潤而吸收快呀!!

SKINDINAVIA MAKEUP FINISHING SPRAY
妝後定形噴霧

能減少化妝品在皮膚上的氧化,保持妝容16小時不脫落..
令皮膚平滑緊緻,滋潤有光澤..

使用前需要搖勻,化好妝後距離面部約20CM噴上..
有效令底妝、胭脂、眼影等保持16小時..
一般日常返工,到中午飯後鼻位、下巴位已經開始溶,面頰會變乾..
但朝早用O左佢之後,到放工都仲KEEP到8-9成,皮膚亦冇以往感覺咁繃緊..
每日只要噴一次,其實都幾抵用O架!!!

MYTHSCEUTICALS:http://www.mythsceuticals.cnhttp://www.facebook.com/MythsCeuticals

SKINDINAVIA:http://www.facebook.com/SKINDINAVIA.HONGKONG

2012年8月6日星期一

DOT BY MARC JACOBS 。甜美花香。時尚圓點

美國時尚設計師MARC JACOBS認為圓點係永遠長青不過時既圖案..
擁有令人愉快而又摩登既魅力,因此成為佢既代表標誌之一..
今次發佈既新香水DOT亦用上紅黑圓點設計,好可愛!!!

為O左一見真身,所以我亦參加上星期舉行既發佈會..

外國MODEL拎住DOT香水,我亦膽粗粗同佢地合照O左,但拍埋實在太矮啦 >_<

圓形樽身,加上大小不同既立體蝴蝶圖案,好有夏日感覺..
紅黑圓點亦都好討人喜愛,驟眼睇仲好似甲蟲添:P
$915(100ML)/$725(50ML)

細SIEZ設計有D唔同,透明簡單樽身,配上紅黑圓點做蓋..
感覺冇咁花俏,但一樣好可愛!!!
$570(30ML)

仲有BODY LOTION$450(150ML)同SHOWER GEL$400(150ML)TUBE裝設計,一樣用上紅黑圓點圖案..

香水主要係帶紅莓甜味,夾雜清幽花香..
前調: 紅莓果、火龍果、金銀花
中調: 茉莉、椰青水、橙花
後調: 雲呢拿、浮木、麝香

甜美既前調、花香中調、性感嫵媚後調..
就連唔常用香水既我都被吸引,隻甜味真係好清好SWEET!!

即場仲有DIY整朱古力,同DOT香水樽身圖案一樣O架!!!

其實大部份已經係現成產品,只要貼隻蝴蝶上去就得啦..

待朱古力醬乾透就可以入袋,造型真係好CUTE!!!

臨走時收到DOT香水一枝,估唔到連PRESS KIT都係一樣圖案..
PR們既心思真係值得一讚!!!!

想將佢據為己有,由今日起至8月19日到各大連卡佛及FACES可以率先購買..
8月20日SOGO、HARVEY NICHOLS、BEAUTY BAZAAR、
上環永安、永安PLUS、朗豪西武、一田百貨有售

2012年8月3日星期五

舒緩補水推介:SWISS DR COLLECTION PLUS面膜。好康送禮5盒面膜

上篇分享過到THE STAR PENINSULA SPA進行膠原激活療程後,肌膚變得非常乾燥...
所以我用O左佢地獨家代理既瑞士品牌DR COLLECTION PLUS面膜..
進行密集式修護,款式總共有六款,而我今次用既就係.....

DIAMOND FLASH RENEWAL MASK
鑽石閃亮再生面膜
$1,380/一盒7片

成份有:
蘆薈: 有多種維生素及胺基酸,保濕效果出色
金縷梅: 具舒緩、抗敏、清炎效果
洋甘菊精華: 對暗瘡、易紅及過敏肌膚有特別修護
天然保濕因子NMF: 鎖住細胞之間水份,強化肌膚防衛機能

面膜非常濕潤,CUTTING貼面而且質料舒服..
只係鼻位爭少少..

每片有成50ML,敷完袋入面仲有大量精華..
我會用黎搽埋上面,大約敷20分鐘到..

敷完皮膚好濕潤,精華仲係好多..
我會稍為過一過水先,但你鐘意亦都可以只用化妝水抹一下..

用後感覺皮膚柔軟得多,水份彈性都有明顯改善..
做完LASER之後既紅點都有減退,舒緩功效非常出色..
雖然價錢唔平,不過真係一分錢一分貨!!!

品牌方面好大方,送O左5盒DR COLLECTION PLUS面膜比我既讀者,每盒有3片不同款式O架..
想要既朋友就請O係YBLOG(按此),留言作準文章以私人留言形式,留下你既姓名同電郵..
如多過5人參加會以抽獎形式進行,截止日期為8月10日晚上12時正
得獎者會以電郵通知^^

http://www.starpeninsula.com/
http://www.facebook.com/the.starpeninsulaspa

2012年8月2日星期四

奉獻第一次面部激光體驗: 膠原蛋白激活療程@THE STAR PENINSULA SPA

雖然做O左BEAUTY BLOGGER有一段時間..
不過對於某些美容產品/療程試用都仲係有所卻步,而激光就係其中之一..
我知好多人一早已經試過,不過怕痛既我(又怕整爛面),每次都會略過佢選擇其他FACIAL做..

今次鼓起勇氣到THE STAR PENINSULA SPA試我既第一次激光療程..
心情真係既緊張又期待...

尖沙咀分店唔算好大,不過乾淨整潔,全店都係用上獨家代理瑞士品牌:
DR COLLECTION PLUS

代言人為氣質名模文宇..

填好個人資料同詢問皮膚狀況後,就入房換衫準備開始啦..

首洗卸妝、清潔皮膚先,之後就可以做LASER啦..
當日我皮膚好多暗粒酒米,自己亦都多手吱O左,所以你會見有好多紅印同一點點..
美容師建議太紅既地方(我個鼻)就輕手D打,其他可以照常..

開始時我好緊張呀!!因為聞到好大陣燒濃野既味道,驚驚地...
到上面時,聽到啪啪聲,你會FEEL到有D野彈面咁,有少少痛,但都可以接受...整個過程比我想像中快,原來都唔係咁可怕!!

完成後需要COOL DOWN皮膚,所以即時敷個保濕舒緩既MASK..
用凍GEL打底再敷PAPER MASK約20-25分鐘..
最後清洗乾淨、搽眼、面霜後就走得LU..

完成當日,皮膚係明顯乾淨細緻O左,不過粒粒亦都多O左D..
而且仲好乾,所以美容師提我要多敷水份MASK同使用保濕精華..

隨後數天,效果係愈黎愈明顯,粒粒退番晒..
但皮膚係光滑有彈性,毛孔亦都變得緊緻一點,完全無敏感無紅呀..
我而家先知原來敏感肌膚都可以做LASER,當然美容師既手勢都好重要啦!!
有興趣可以去試下^^

P.S. 期間我用O左DR COLLECTION PLUS既超好用舒緩MASK..
我覺得我D皮膚愈黎愈好佢都有幫助O架!!想知詳細分享就要留意聽日篇文..
到時仲有好康禮物送比大家O架!!!!

http://www.starpeninsula.com/
http://www.facebook.com/the.starpeninsulaspa

2012年8月1日星期三

DOVE全新淨白美肌止汗系列: 令你夏天輕鬆擺脫汗水、黑色素困擾

香港既夏天高溫又悶熱,中午出去行個5分鐘都可以成身大汗返黎..
有時著上薄貼衣身,腋下出現一撻撻汗漬都咪話唔尷尬..
呢個時候止汗劑就派上用場啦..

最近DOVE新出既ULTIMATE WHITE淨白美肌止汗香體系列..
蘊含OMEGA 6成份,為肌膚建立保護屏障,促進細胞再生,去除頑固黑色素..
有1/4乳霜成份,帶來極佳滋潤效果,美白、舒緩、修護一TAKE過!!分別有ROLL ON $31.9 同AEROSOL $33.9 兩款..