一枝在手。上粉無難度@SIGMA FLAT KABUKI

 

美國品牌SIGMA化妝掃,因為價錢相宜質量佳,所以受到不少用家支持..
身邊亦有朋友向我推荐佢既SET裝好抵買,其實都有心動過..
不過諗起家中平時買埋唔少單枝化妝掃,所以打消O左買一整套既諗頭...
反而對佢既KABUKI掃好有興趣,早排見K'S ORGANIC SKINCARE有得訂於是買枝玩下..



SIGMA FLAT KABUKI F80
主要用黎上粉底用,CREAM狀或LIQUID狀既都可以..
一直以黎都聽人講用掃上粉又貼又薄,但我買過2枝扁身濕粉掃都唔多掂..
諗過係咪自己唔識用搞成咁,所以擺埋O左用粉樸上算數!!!



雖然應該係纖維造,不過毛質好SOFT..



同我屋企2個圓身礦物粉掃對比,毛係比較整齊柔順..



今次示範用上LIQUID粉底,吱出合適份量O係手背,用掃印幾下..



O係需要遮暇度高既地方,例如鼻、權骨、下巴位以TAP方式輕印上去先..



印完後見到一撻撻粉底係唔緊要O架,因為之後仲要推開...



接著全面以打圈方式由內向外推..



搽完係又貼又薄,一D掃痕都無..


遮暇度不錯,因為我用上COVERAGE較低既BENEFIT示範,而且只上一層..
但已經見到紅印幾乎無晒,印同斑都遮到7-8成,我完全無用遮暇產品O架!!

再搽一層碎粉定妝就OK啦..
如果你想遮得完美D,可以O係印/斑位重覆印再推開步驟2-3次..
妝感真係好透薄自然,而且係勁方便!!!唔需要咩技巧,只要快手少少就OK,真係好正!!!
我打算會再買多枝ROUND KABUKI,用黎上我既礦物粉..

有興趣訂購可以到K'S ORGANIC SKINCARE查詢..
http://www.koshk.com.hk/
亦可以上官網參考:
http://www.sigmabeauty.com

平價ION MASSAGER@SASSOU JAPAN

 

以前想購買一部家用美容儀器,就算只有最基本既導出功能,動輒都要過千元...
不過隨著現時愈來愈多款式選擇,價格亦都變得相宜得多..
甚至只要數百元就可以擁有一部離子機,實在係"抵到無朋友!!!!"
想知平機有冇好野,睇落去就知分曉...



SASSOU ION MASSAGER
$580


輕手到我以為係玩具黎..
無得叉電,要配上專用電池使用..
只有一個掣,導出(OUT)、關機、導入(IN),操作極之簡單..
但手記得要接觸銀色位置..



指示說明唔需要使用化妝棉作媒介,導出只要清水即可...
不過亦可以照用化妝棉,但就同平時唔同,唔需要TONER,同樣清水就OK..



用CLEANSER洗乾淨面,微濕狀態下每個地方打圈按10次..
使用後皮膚係乾淨O左,化妝棉亦都有少許黃色..



導入佢話配合用同品牌精華,不過我就用上PAPER MASK..
使用方法同導出一樣,只係按IN而已....

面膜乾得比平時快,應該被皮膚吸收O左...
用後感覺水濕,效果比就咁敷持久..

咁既價錢黎講,我覺得都算合格..
唔係叮一聲咁勁,但亦都覺比平時就咁用SKINCARE好..
因為輕身同唔需要使用咩產品配合都OK,出外旅行時用就夠晒方便..
只係要用化妝棉既話就要按住麻煩D囉,預算唔多既可以考慮下..

http://www.sassou.com/

GOODSKIN LABS新品EQUINOL & Z-PORE發佈會

 

一直以無雀斑而沾沾自喜既我,近年最終不敵紫外線侵害而開始有曬斑既出現..
或者係年青時不懂防曬既重要,又或者係年紀漸長新陳代榭變慢而引起..
縱使稱不上嚴重,但去斑護理係絕對有必要著手進行...



美國護膚品牌GOODSKIN LABS最近推出既新產品,就非常切合我現時既需要..



貴為美容集團ESTEE LAUDER旗下品牌之一,產品質素一定有其保證..
而且得到知名皮膚科專家及微創整形手術權威DR.FRANK提供專業意見及推薦..
絕對係值得信賴同安心使用..


皇牌產品TRI-AKTILINE INSTANT DEEP WRINKLE FILLER

可以即時減淡表情紋,使用4星期以上更有明顯改善..



去年我已經試過既EYLIPLEX-2 EYE LIFT+CIRCLE REDUCER

因應日夜不同需要而設既EYE PRODUCT..
早上係GEL狀,清爽緊緻,晚上係滋潤既CREAM狀,去紋減黑眼圈..


SMOOTH-365 INSTANT CLARIFY+SMOOTHING PEPTIDE SERUM


GEL狀質地,令肌膚即時有光澤,提升透亮度..使用4星期以上,有效改善整體膚質..



FILEXTRA FACIAL REVOLUMIZING TREATMENT


即時滋潤肌膚,感覺更年輕飽滿...
有效改善臉頰及眼下位置凹陷情況...


Z-PORE INSTANT PORE REFINER

肉膚色杰色CREAM狀,即時細緻毛孔,控油同時減少面泛油光..
可單獨、妝前和補妝使用..


EQUINOL DARK SPOT CONCENTRATE

有效淡化各種色斑及不均勻膚色,改善皮膚清透度..


介紹完品牌新舊成員後,由莎莎化妝師示範夏日持久底妝..
用上SMOOTH-365全面打底後,再O係毛孔粗大地方搽上Z-PORE..
薄薄掃一層粉底液同碎粉定妝即可..


最後得到1枝我最有興趣既新產品回家試用..
希望可以改善我既曬斑同暗瘡印啦..
效果如何下回再續^^

莎莎獨家發售http://www.sasa.com.hk
http://www.goodskinlabs.com.hk/

黑棗酵素王: 點止瘦身咁簡單???

 

唔少香港人都有腸胃問題,例如便秘、腸道敏感、胃痛、胃酸倒流等等..
都係因為進食習慣而令身體慢慢積聚毒素而成,久而久之,仲變得肥胖虛弱添...
不過想改善係需要時間既,如果想加快進度,就要搵佢幫手啦...



黑棗酵素王 $168/盒

以滋補果王黑棗配合清便王酵素,在清宿便同時提升身體、肌膚質素..
養顏黑棗: 能促進體內循環,令面色紅潤,改善手腳冰冷,抗氧化
瘦身果物酵素: 有效消脂及減低脂肪吸收,軟化宿便,排毒


一盒14包,獨立包裝更加方便..



每日2次,每次1包,於餐前飲用..
可以直接飲或者加水服用..



直按飲用味道較濃郁,酸酸甜甜..
以往飲過唔少酵素,我都一定要加水飲,唯獨呢款我係可以直接入到口..
有時出街食飯,帶O係身即時飲夠晒方便,唔怕MISS O左唔記得..



但想變成飲品就可以加水..
我試過加烏龍茶,好好飲O架!!!

本身冇便秘問題,不過有時去得唔算暢順,有時又肚痾,仲好易胃氣脹..
飲用O左幾日,就發覺問題有改善,腸胃舒服O左,而且排便量增加,每日都去得好順..
期間我仲比O左媽媽一齊飲,因為佢年紀大,腸道功能冇咁好,成日都幾日先有一次廁所去..
飲O左第一次,無錯,係一次,佢已經好快就有得去,但唔係肚痾喎!!!!!
自此之後,佢每日飲就每日都有得去,好過日日食一堆西梅,仲要唔係次次得...

成份天然又冇副作用,我同媽媽都好放心飲用..
除O左改善腸胃宿便問題,肚腩都細番D,有興趣不妨買黎同家人一齊試下^^


萬寧獨家發售

好壞參半美白體驗@PHYRIS PROFINE系列

 

去年試用過PHYRIS HYDRO ACTIVE保濕系列,感覺不錯而且無任何過敏情況出現..
因此今次得知品牌推出PROFINE亮肌系列時,都第一時間報名參加..
當晚活動安排問題就不再多講,還是集中產品分享吧!!



PHYRIS PROFINE系列以"PROfessional FINE skin"為研發方向,針對亞洲肌膚需要而製..
特有三重瞬間複合配方,加上維他命C、白睡蓮成份
有效舒緩受刺激皮膚,淡斑美白之餘,同時可改善膚質,預防衰老..


BRIGHTENING TOTAL RESULT MASK 亮肌面膜75ML
GEL CREAM狀,易推開,質感柔滑..
味道有點香,但還可以接受..



敷上面約20分鐘後洗去..



美白功效唔算明顯,不過感覺幾保濕滋潤..
用後肌膚平滑O左,彈性方面亦有改善,只係有少少痕癢,幸好一陣就無事..



WHITENING TRIPLE EFFECT 亮肌乳液 50ML
超濃茉莉花味道,個人覺得同洗手間芳香劑相似..
GEL狀質地,推開會變得油油地,搽完好似有層膜咁,夏天黎講完全唔舒服..



味道、質感麻麻都算,最慘係我用完敏感..
所以我都唔知佢美白效果如何,因為我比O左幾次機會佢都係咁..
最安全既額頭位都癢同紅,其他地方又紅又起粒粒,我咀角仲起O左2粒大瘡添!!!
呢枝乳液已經比我列入黑名單,相信易過敏肌膚人士要小心考慮..

雖然我同枝乳液有緣無份,但面膜真心地係覺得唔錯,直頭可以當保濕MASK用..
而且護膚品係要夾皮膚,我用有事都唔代表其他人有問題,純屬個人意見..

全線美康有售http://www.facebook.com/Phyris.HongKong

SCHWARZKOPF ESSENSITY染後護理篇+小送禮

 

上月中到CHAIRONE HAIR體驗SCHWARZKOPF PROFESSIONAL全新ESSENSITY染髮後..
為O左KEEP住個靚靚髮色同防止乾旱,我仲有配合一整套染色頭髮專用洗護系列使用..
全線採用有機天然成份,令頭髮亮麗柔順之餘,頭皮亦都更潔淨健康!!!



ESSENSITY FOR COLOURED HAIR護色系列

此系列為是能夠鎖住頭髮顏色的鮮艷度而特別研發,以確保頭髮健康有亮澤..
含有豐富而具滋潤作用的有機巴西莓,提供豐富的維他命、蛋白質、糖粉與抗炎功效..
以及火紅鬱金香精華,賦予產品抗氧化、舒緩功效..


COLOUR SHAMPOO $196/250ML
透明GEL狀,帶有香薰草本味道,個人覺得有D橙花味.感覺清新..



易起泡,搽於頭髮時帶有少許乳液狀..
過水後好乾淨,待吹乾後感覺輕盈清爽..



COLOURED CONDITIONER $196/200ML
味道與SHAMPOO相似,但橙味再濃一點..
白色CREAM狀,搽於髮上等1-3分鐘過水即可..
沖洗後頭髮非常順滑易梳..



COLOUR LEAVE-IN MASK $236/200ML
第一次用免沖洗HAIR MASK,只要一星期使用1次即可(或有需要時用)..
質感比CONDITIONER稀身,介乎CREAM同LOTION之間..
洗髮潤髮後,略為印乾頭髮搽於中間至髮尾位置..



老實說,本身髮質鬆散問題非常嚴重,而且頭髮較幼,望上去就更加亂..
用上ESSENSITY整系列約兩星期,頭髮真係柔順貼服好多..



最鐘意係洗完好乾淨但又唔會成頭草咁..
髮色KEEP得唔錯,髮尾亦都無咁乾..



大家想試下嗎???我會送出一SET TRAVEL SIZE: SHAMPOO & 髮泥..
有興趣就PM我留EMAIL啦(如超過1名會以抽獎形式進行),截止日期為7月12日中午12時..
只以YBLOG(按此),留言作準,THX^^

SCHWARZKOPF PROFESSIONAL指定髮廊提供
HOTLINE: 2233-0226

收細毛孔我有計: CLINIQUE PORE REFINING SOLUTIONS系列

 

隨著年紀漸長,我既毛孔重災區已經由鼻開始擴散到面頰位附近..
再唔立即解決,問題就只會一直嚴重落去..
而云云新品之中,我發覺CLINIQUE毛孔細緻系列效果頗明顯..


CLINIQUE PORE REFINING SOLUTIONS CORRECTING SERUM
$380/30ML

蘊含獨特的毛孔細緻複合物(PORE RESURFACING COMPLEX),發揮三重功效:
--智能科技:用上糖海藻精華、水解大豆蛋白、椰子酸,平衡油脂分泌,令毛孔不再阻塞及擴張
--強化細胞更生:海扇藻萃取物可促進細胞新陳代榭,強化肌膚屏障及收細毛孔
--溫和清理角質:水楊酸及乙醯葡萄糖胺,可溫和地帶走表皮老廢角質,保持毛孔暢通,更見細繳


GEL狀質地輕易被推開同吸收,感覺清爽但不會繃緊..



我個鼻問題多多,毛孔大而且微絲血管非常明顯,所以唔敢亂搽野怕刺激..
不過CLINIQUE呢枝精華質地我好鐘意,搽完有少少霧面效果,但又唔乾,最重要係敏感肌都用得..
早晚搽上約兩星期,已經見到個鼻係乾淨O左好多..
平滑而且毛孔有收細到,相信KEEP住用毛孔問題可以得到徹底改善..


PORE REFINING SOLUTIONS INSTANT PERFECTOR
$230/15ML(3色)

注入嶄新智能油脂平衡成分,令毛孔於視覺上瞬間收細50%..
有效減少油脂分泌,令毛孔不再被多餘油脂撐大,持續收細毛孔..
令肌膚全日無瑕清爽,啞緻不泛油..


INVIAIBLE BRIGHT係偏白色,膏狀質地,推開會變成霧面..
肌膚即時變得好乾爽柔滑..

妝前妝後用都可以,我就比較鐘意搽BASE之前使用..
毛孔即時收細,之後化妝都唔會被推走,妝容亦都KEEP得更持久..
亦唔會塞住毛孔,日常清潔程序已經可以清洗乾淨..

各大CLINIQUE專門店及專櫃有售http://www.clinique.com.hk/
http://www.facebook.com/CliniqueHongKong