體驗升級美睫魔法@MAJOLICA MAJORCA

日本開架品牌MAJOLICA MAJORCA既睫毛液產品一向好受歡迎..
最愛其梳型設計,可以令短小既睫毛搽到根根分明,防水防溶效果仲好出色添...
見到最近新出O左幾款美睫產品,當然要即刻試下..



三款產品分別為廣角魅惑激長睫毛液、拎久豐盈睫毛底霜、啫喱美睫精華



蘊含美睫液質精華(修護睫毛成份精氨酸、野玫瑰精華及甘油等)..
修護每根受損睫毛,賦予光澤和彈性,減少脫落..



採用嶄新珍珠棒頭設計,容易於睫毛根部及眼瞼邊緣塗抹..
我覺得都幾影搽,而且唔會整到眼周肌膚..



用後感覺睫毛冇咁易甩,尤其卸妝O個時..
而且望落更烏黑亮澤..



全新更濃密配方,加入漆黑纖維,令睫毛變得更長、更濃密,同時持久捲翹..
含維他命E及夏威夷果仁油,時刻修護睫毛..



梳型掃頭加半透明液體狀..
可均勻搽上每條睫毛.避免過量造成一舊舊....



搽完會有少許白色,但明顯見到睫毛係長O左..
為之後既睫毛液打好個底..



揉合4MM烏黑纖維及睫毛延伸基底配方,令睫毛液完美包裹每根睫毛,打造激長美睫..
嶄新雙面掃頭全面捕捉眼角短小睫毛,營造廣角無限伸延美睫..



A: 增長、根根分別
B: 捕捉短小睫毛



只搽O左一層,加上底霜,增長效果已經好好,根根分別又唔會糾結一塊,..
無夾過但都有一定弧度,令雙眼即時放大有神..

而且我係油眼人,用上一整天都無點甩過,真係好正!!!
卸除方面亦都比之前容易O左添^^
http://www.facebook.com/majolica.hk
http://www.majolica-majorca.com/