P&G X 功夫熊貓2 家多點非凡體驗

以為論論盡盡既熊貓,原來都可以有一身好功夫,講緊既係"功夫熊貓"入面既主角阿寶,呢套動畫當年大受歡迎,今年再度載譽歸來推出"功夫熊貓2",仲同P&G公司首次合作打造出"P&G & DREAMWORKS & YOU家多點非凡體驗"夏日嘉年華,咁難得當然要即去沙田新城市廣場一探究竟啦..

現場設有舞台作為特別示範化妝SET頭表演之用..

除O左背景版既主角之外,仲有高過成個人既熊貓阿寶同我地影相O架,可惜我黎到一陣就撞正佢既休息時間,想同佢合照就要早D到啦...

配合電影,四周都佈置得好有中國建築FEEL..

P&G旗下參與今次活動既有10個品牌,都係日常我地會用到既家庭個人護理用品..

有部份王牌/新出產品更擺出黎比大家試用...

有簡介同資料查閱,亦都有職員幫忙解答....

到玩遊戲時間啦,呢個同佢對望既遊戲好搞鬼,因為佢會係咁戚眉弄眼黎騷擾你,HAHAH...好抵死!!!

呢個係考你既手眼協調,帶埋小朋友黎玩就最O岩..

今次合作推出既禮品好CUTE又實用呀,我最鐘意張毛氈...

另外現場玩完遊戲都可以得到下圖既P&G非凡禮品包一份,有唔少P&G既產品比你返去試用,係咪想知點先可以玩呢???等我介紹詳細資料先啦..

由6月18日至19日及6月25日-26日,只要O係沙田新城市廣場消費滿$199,下午3PM-8PM到沙田新城市廣場3期1樓,憑收據正本就可以換領"P&G家多點非凡體驗"夏日嘉年華遊戲卡,集齊4個印花就可以得到P&G非凡禮品包啦..

由6月18日至26日期間,只要於沙田新城市廣場內萬寧、屈臣氏購買P&G指定產品滿$200,就可以換領功夫熊貓2限量精美手巾乙條..

記得今個星期六日行沙田新城市廣場時,去探下阿寶啦^^